एकनाथ शिंदेंविरोधात जादूटोणा | काही राजकीय षडयंत्र नाही ना? | पोलिसांकडून शोध

बोईसर, १८ डिसेंबर: महाराष्ट्र राज्यातील अघोरी जादूटोणा नरबळी वाढते प्रमाण लक्षात घेऊन शासनाने महाराष्ट्र नरबळी आणि अमानुष अनिष्ठ व अघोरी प्रथा व जादूटोणा यांना प्रतिबंध घालण्यासाठी व समुळ उच्चाटन करण्यासाठी अधिनियम २०१३ अमलात आणला. मात्र अजूनही या अघोरी जादूटोणा नरबळी प्रथा केल्या जातात. हाच प्रयोग थेट ठाणे जिल्ह्याचे पालकमंत्री एकनाथ शिंदे यांच्या जीवास धोका होण्यासाठी अघोरी प्रथेचा वापर करण्यात आल्याचे समोर आले होते. जादूटोणा करणाऱ्यांना पालघर उप विभागीय पोलीस अधिकारी विकास नाईक यांच्या मार्गदर्शनाखाली बोईसर स्थानिक गुन्हा शाखेच्या पथकाने विक्रमगड तालुक्यातील व जव्हार पोलीस स्टेशन हद्दीतील कऱ्हे तलावली येथून अटक केली आहे.

दरम्यान, नगरविकास मंत्री आणि शिवसेनेचे ज्येष्ठ नेते एकनाथ शिंदे (Black Majic against minister Eknath Shinde) यांच्याविरोधात नेमकं कोण राजकीय षडयंत्र रचतंय याचा कसून तपास पोलीस करतायत. शिदेंच्या विरोधात जव्हारमध्ये जादूटोणा केला जात असल्याचं काल उघड झालंय. शिंदेंच्या फोटोला मांत्रिक पूजा घालताना तसंच धूप, अगरबत्ती, गुलालही व्हिडीओत दिसतो. त्यासाठी आतापर्यंत दोघांना अटकही करण्यात आली आहे. पण हे एखादं मोठं षडयंत्र आहे का याचा तपासही आता पोलीस करतायत. (Black Magic Rituals against MahaVikas Aghadi Minister Eknath Shinde)

एकनाथ शिंदेची राजकीय सुपारी कुणी दिलीय का? दिली असेल तर ते कोण आहेत? नेमके किती कोटी किंवा लाख रुपये त्यासाठी दिले गेलेत, इतर कुठला व्यवहार झालाय का, एकनाथ शिंदेंविरोधात नेमकं कोण शत्रूत्व घेतंय, याचा तपासही जव्हार पोलीस करतायत.

News English Summary: The police are investigating who is conspiring against Urban Development Minister and senior Shiv Sena leader Eknath Shinde. It was revealed yesterday that magic was being practiced in Jawahar against Shide. Incense, agarbatti, gulal are also seen in the video while performing magical pooja on Shinde’s photo. Both have been arrested so far. But the police are now investigating whether this is a big conspiracy.

News English Title: Black Magic Rituals against MahaVikas Aghadi Minister Eknath Shinde at Boisar Javhar news updates.