मुंबईत तुमच्या आहेत त्या जागा वाचवून दाखवा | भाई जगतापांचं भाजपला चॅलेंज

मुंबई, २२ डिसेंबर: राज्यात महाविकास आघाडीचं सरकार आहे. नुकत्याच पार पडलेल्या पदवीधर मतदारसंघ निवडणुकीतही महाविकास आघाडीनं भारतीय जनता पक्षाला जोरदार धक्का दिलाय. त्या पार्श्वभूमीवर मुंबई महापालिका निवडणुकीतही काँग्रेस, राष्ट्रवादी आणि शिवसेना एकत्र लढेल, असा दावा केला जातोय. अशावेळी मुंबई काँग्रेसचे नवनिर्वाचित अध्यक्ष भाई जगताप यांनी काँग्रेस मुंबईत स्वबळावर लढणार असल्याची घोषणा केली तरी सहकारी पक्षांसोबत मैत्रीपूर्ण लढत केली जाईल असं देखील स्पष्ट केलं आहे.

काँग्रेस हायकमांडकडून शनिवारी भाई जगताप यांची मुंबई काँग्रेस अध्यक्षपदी निवड करण्यात आली आहे. त्यानंतर भाईंनी भारतीय जनता पक्षाला लक्ष करण्यास सुरुवात केली आहे. भाई जगताप यांनी नियुक्ती होताच भारतीय जनता पक्ष आणि देवेंद्र फडणवीस यांना ओपन चॅलेंज दिले आहे.

मुंबईत पत्रकारांशी बोलताना भाई जगताप यांनी फडणवीस आणि भारतीय जनता पक्षाला खुले आव्हान देत म्हटलं आहे की,’मुंबई महानगरपालिका निवडणुकीत तुमच्या जितक्या जागा आहेत त्या वाचवून दाखवा’ असे थेट आव्हान भाई जगताप यांनी दिले आहे. मुंबई महानगरपालिका निवडणुकीसाठी सर्व राजकीय पक्ष तयारीला लागले आहेत. त्यामूळे भाई जगताप यांच्या या चॅलेंजचे उत्तर भारतीय जनता पक्षाकडून आणि फडणवीस यांच्याकडून काय येणार हे पाहणे महत्त्वाचे असणार आहे.

ही फक्त सुरूवात आहे !!!@INCMumbai pic.twitter.com/uFO0D20lo5

— Bhai Jagtap – भाई जगताप (@BhaiJagtap1) December 22, 2020

News English Summary: Speaking to reporters in Mumbai, Bhai Jagtap has openly challenged Fadnavis and the Bharatiya Janata Party (BJP) to “save as many seats as you have in the Mumbai Municipal Corporation elections”. All political parties are preparing for the Mumbai Municipal Corporation elections. So it will be important to see what the North Bharatiya Janata Party and Fadnavis will come up with about this challenge to Bhai Jagtap.

News English Title: Mumbai Congress President Bhai Jagtap to Devendra Dadnavis news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.