VIDEO | सोपं असतं तर प्रत्येकजण शेतकरी असता | आनंद महिंद्रांचा महिलाशक्तीला सलाम

मुंबई, ०८ मार्च: आज जगभरात जागतिक महिला दिन साजरा केला जात आहे. या खास दिवशी आनंद महिंद्रा यांच्या महिंद्रा कंपनीच्या ट्रॅक्टरची एक जाहिरात चांगलीच व्हायरल होते आहे. या जाहिरातीमध्ये एक महिला पुरुषांच्या बरोबरीनेच कोणतंही काम करु शकते, अशी महिलांची कणखर, प्रखर प्रतिमा दाखवण्यात आली आहे. ही जाहिरात सोशल मीडियावर चांगलीच व्हायरल झाली असून या जाहिरातीचं, त्यात दाखवण्यात आलेल्या आशयाचं कौतुक होत आहे.

महिंद्रा ग्रुपच्या या जाहिरातीमध्ये, एक महिला ट्रॅक्टर चालवण्यासाठीचं लायसन्स मिळवण्यासाठी ड्रायव्हिंग टेस्ट देण्यासाठी येते असं दाखवण्यात आलं आहे. पण ही महिला असून ट्रॅक्टर कसा काय चालवू शकते, यापूर्वी कोणत्याही महिलेने ट्रॅक्टर चालवण्यासाठी टेस्ट दिली नसल्याचं तेथील अधिकारी सांगत असल्याचं व्हिडीओमध्ये दिसतंय.

जाहिरातीचा हा व्हिडीओ हिंदी भाषेत बनवण्यात आला आहे. जाहिरातीची थीम “सोपं असतं तर प्रत्येकजण शेतकरी असता” अशी ठेवण्यात आली आहे. जाहिरातीमध्ये शक्ती नावाची महिला ट्रॅक्टरची ड्रायव्हिंग टेस्ट देण्यासाठी येते त्यावेळीची घटना दाखवण्यात आली आहे. जागतिक महिला दिनानिमित्त महिलांच्या प्रति असणारा दृष्टिकोन बदलणं आणि शेतकऱ्यांना सलाम करण्याचा प्रयत्न केल्याचे दिसून येते. सोशल मीडियावर हा व्हिडीओ शेअर करताना आनंद महिंद्रा यांनी ‘केवळ एकच शब्द: शक्ती’ असे कॅप्शन दिले आहे.

Just one word: SHAKTI. #InternationalWomensDay pic.twitter.com/cpYP9CdAwD

— anand mahindra (@anandmahindra) March 7, 2021

News English Summary: Today, International Women’s Day is being celebrated all over the world. On this special day, an advertisement of Anand Mahindra’s Mahindra tractor is going viral. The advertisement shows a strong, intense image of a woman who can do any work just like a man. The ad has gone viral on social media and the content of the ad is being appreciated.

News English Title: Industrialist Anand Mahindra tweet on Women’s day news updates.