उन्नाव बलात्कार | आरोपीच्या पत्नीला भाजपाकडून निवडणुकीचं तिकीट

लखनऊ, ९ एप्रिल: उन्नाव बलात्कार प्रकरणातील प्रमुख आरोप कुलदीप सिंह सेंगरची पत्नी संगीता सेंगर भारतीय जनता पक्षाच्या तिकीटीवर उत्तर प्रदेशातील पंचायत निवडणूक लढणार आहेत. संगीता सेनगर यांच्याकडे उन्नाव जिल्हा पंचायतीचं अध्यक्षपद होतं. संगीता सेनगर फतेहपूर चौरासी त्रितयामधून निवडणूक लढणार आहेत. १५ एप्रिलपासून पहिल्या टप्प्याला सुरुवात होणार आङे. २ मे रोजी निवडणुकीचे निकाल जाहीर केले जातील.

कुलदीप सिंह सेंगरची पत्नी संगीत सेंगर हिला भारतीय जनता पक्षाने फतेहपूर चौरासी तृतीय मतदारसंघामधून जिल्हा परिषद उमेदवारी दिली आहे. त्याशिवाय माजी जिल्हाध्यक्ष आनंद अवस्थी यांना सरोसी प्रथम आणि नवाबगंजचे ब्लॉक प्रमुख अरुण यांना औरास द्वितीय येथून उमेदवारी दिली आहे.

कुलदीप सिंह सेंगर हा बांगरमऊ विधानसभा मतदारसंघातून चार वेळा आमदार राहिला आहे. २०१७ मध्ये तो भारतीय जनता पक्षाच्या तिकिटावर निवडून आला होता. परंतु उन्नाव बलात्कार प्रकरणात त्याला अटक झाली होती. त्यानंतर भारतीय जनता पक्षाने २०१९ मध्ये त्याची पक्षातून हकालपट्टी केली होती. तसेच त्याचे विधानसभा सदस्यत्वही रद्द करण्यात आले होते.

News English Summary: Sangeeta Sanger, wife of Kuldeep Singh Sanger, the main accused in the Unnao rape case, will contest the Uttar Pradesh panchayat elections on a Bharatiya Janata Party ticket. Sangeeta Sengar was the chairperson of Unnao District Panchayat. Sangeeta Sengar will contest from Fatehpur Chaurasi Tritiya. The first phase will start from April 15. Election results will be announced on May 2.

News English Title: Unnao Rape accused Kuldeep Singh Sanger’s wife Sangeeta Sanger got election ticket from BJP news updates.