भाजपाची बैठक मराठा आरक्षणासाठी नव्हे तर आंदोलनासाठी आहे - अशोक चव्हाण

मुंबई, १८ मे | सुप्रीम कोर्टाने मराठा आरक्षण रद्द केलं आहे. या पार्श्वभूमीवर पुढील रणनीती ठरविण्यासाठी मंत्रिमंडळ उपसमितीची सह्याद्री अतिथीगृहावर बैठक सुरू झाली आहे. तर, मराठा आरक्षणावर पुढील दिशा ठरवण्यासाठी भारतीय जनता पक्षाने देखील महत्त्वाची बैठक बोलावली आहे. त्यामुळे या दोन्ही बैठकांमध्ये काय निर्णय होतात याकडे संपूर्ण महाराष्ट्राचे लक्ष लागले आहे.

सुप्रीम कोर्टाने मराठा आरक्षण रद्द ठरवलं आहे. त्यानंतर केंद्र सरकारने आरक्षणप्रश्नी कोर्टात पुनर्विचार याचिका दाखल केली आहे. या पार्श्वभूमीवर आज मंत्रिमंडळ उपसमितीची सह्याद्री अतिथीगृहावर बैठक होत आहे. या बैठकीला मराठा आरक्षण उपसमितीचे अध्यक्ष अशोक चव्हाण उपस्थित आहेत. तसेच उद्योगमंत्री सुभाष देसाई, नगरविकास मंत्री एकनाथ शिंदे, गृहमंत्री दिलीप वळसे-पाटील आणि राज्याचे मुख्य सचिव सीताराम कुंटेही उपस्थित आहेत.

एककीकडे मंत्रिमंडळ उपसमितीची बैठक सुरू होत असतानाच भाजपनेही मराठा आरक्षणावर चर्चा करण्यासाठी बैठक बोलावली आहे. विरोधी पक्षनेते देवेंद्र फडणवीस यांच्या सागर या निवासस्थानी ही बैठक सुरू झाली आहे. मात्र या बैठकीबाबत अशोक चव्हाण यांना विचारले असता ते म्हणले की, “भाजपाची बैठक मराठा आरक्षणासाठी नव्हे तर आंदोलनासाठी आहे’. अशी प्रतिक्रिया देताना अशोक चव्हाण यांनी भाजप केवळ स्वतःचा राजकीय स्वार्थ साधत असल्याचा अप्रत्यक्ष संदेश दिला आहे.

News English Summary: On the one hand, while the meeting of the Cabinet sub-committee is starting, the BJP has also called a meeting to discuss the Maratha reservation. The meeting started at the residence of Leader of Opposition Devendra Fadnavis at Sagar. However, when asked about the meeting, Ashok Chavan said, “The BJP meeting is not for Maratha reservation but for agitation.

News English Title: Minister Ashok Chavan criticized BJP over Maratha Reservation politics news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.