संघाला कोरोनापेक्षा मोदींच्या ढासळत्या लोकप्रियतेची चिंता अधिक | सचिन सावंत यांचं टीकास्त्र

मुंबई, ०५ जून | देशातील कोरोनाच्या दुसऱ्या लाटेत लाखो लोकांचा मृत्यू झाला असून आजही प्रतिदिन ३ हजाराहून अधिक लोकांचा मृत्यू होतोय. त्यात भाजपची सत्ता असलेल्या काही राज्यातील भीषण वास्तव समोर आल्याने जगभरातून मोदी सरकारवर टीका झाली आहे. मात्र यामध्ये मोदी आणि गंगा नदीवरील कोरोना मृतांच्या तांडवामुळे भाजपच्या हिंदुत्वाची देखील पोलखोल झाली आहे. परिणामी भाजप सहित आरएसएसची चिंता मोठ्या प्रमाणात वाढली आहे.

तत्पूर्वी, पश्चिम बंगाल विधानसभा निवडणुकीत भारतीय जनता पक्षाचा दारुण पराभव, या पार्श्वभूमीवर मोदींची लोकप्रियता ढासळत असल्याचं बोललं जात आहे. अशावेळी पुन्हा एकदा राष्ट्रीय स्वयंसेवक संघ भाजपच्या, पर्यायानं मोदींच्या मदतीला धावून आला आहे आणि बैठकांवर बैठका होत आहेत. दरम्यान, संघाच्या या सक्रियपणावर काँग्रेस प्रवक्ते सचिन सावंत यांनी जोरदार टीकास्त्र सोडले आहे.

काँग्रेसचे प्रवक्त सचिन सावंत यांनी संघाच्या या चिंतन शिबिरावर ट्विटरच्या माध्यमातून जोरदार हल्ला चढवलाय. मोदींची लोकप्रियता ढासळत असल्याच्या पार्श्वभूमीवर संघाकडून या बैठकीचं आयोजन करण्यात आलं. त्यात सरसंघचालक मोहन भागवत, नवनियुक्त सरकार्यवाह दत्तात्रय होसबळे, सर्व पाच सहसरकार्यवाह, भैय्याजी जोशी. तसंच भारतीय जनता पक्षाचे महामंत्री बी. एल. संतोष यांच्यासह संघाचे मोठे पदाधिकारी या बैठकीत सहभागी झाले. संघाच्या या चिंतन शिबिरावरुन सचिन सावंत यांनी पंतप्रधान मोदी आणि राष्ट्रीय स्वयंसेवक संघावर जोरदार टीका केलीय.

संघाच्या मोदींच्या ढासळत्या लोकप्रियतेवरील चिंतन बैठकीतून या गोष्टी स्पष्ट- १. संघ ही सांस्कृतिक संघटना नसून राजकीय संघटना २. संघाचा बोगस राष्ट्रवाद- मोदींना सत्तेसाठी जनता मरते का जगते याची चिंता नाही याचप्रमाणे संघाला कोरोनापेक्षा मोदींच्या ढासळत्या लोकप्रियतेची चिंता आहे’, अशा शब्दात सचिन सावंत यांनी पंतप्रधान मोदी आणि राष्ट्रीय स्वयंसेवक संघावर हल्ला चढवलाय.

संघाच्या मोदींच्या ढासळत्या लोकप्रियतेवरील चिंतन बैठकीतून या गोष्टी स्पष्ट-
१. संघ ही सांस्कृतिक संघटना नसून राजकीय संघटना
२. संघाचा बोगस राष्ट्रवाद-
मोदींना सत्तेसाठी जनता मरते का जगते याची चिंता नाही याचप्रमाणे संघाला कोरोनापेक्षा मोदींच्या ढासळत्या लोकप्रियतेची चिंता आहे pic.twitter.com/BqFCr7jGUk

— Sachin Sawant सचिन सावंत (@sachin_inc) June 5, 2021

News English Summary: Modi’s popularity is said to be declining in the wake of the BJP’s crushing defeat in the West Bengal Assembly elections. In such a situation, once again, the Rashtriya Swayamsevak Sangh (RSS) has come to the aid of the BJP, Modi by choice, and meetings are being held. Meanwhile, Congress spokesperson Sachin Sawant has strongly criticized the RSS’s activism.

News English Title: Congress spokesperson Sachin Sawant criticized RSS stand during corona pandemic news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.