Pune Fire | पुण्यातील पिरंगुटमधील कंपनीस भीषण आग, 15 महिलांसह 17 जणांचा मृत्यू

पुणे, ०७ जून | पुण्याच्या मुळशी येथील उरवडे येथील औद्योगिक वसाहतीत आगीची मोठी दुर्घटना घडली आहे. उरवडे येथील क्लोरिफाईड कंपनीत ही घटना घडली. या दुर्घटनेत 15 महिला कर्मचारी आणि 2 पुरुष कर्मचाऱ्यांचा होरपळून मृत्यू झाला. संबंधित कंपनीचं नाव एसव्हीएस अक्वा टेक्नॉलॉजिस असं आहे. आग कशामुळं लागली हे मात्र अद्याप समोर आलेलं नाही.

आग लागल्याची माहिती समजताच पोलीस व अग्निशामक दलाने घटनास्थळी धाव घेत, आगीवर नियंत्रण मिळवण्यासीठी प्रयत्न सुरू केले आहेत. घटनास्थळी अग्निशामक दलाचे पाच बंब दाखल झाले आहेत. या शिवाय रूग्णवाहिका देखील दाखल झालेली आहे.

दरम्यान, आग लागलेल्या कंपनीत सॅनिटायझर बनवत असल्याने आगीने तात्काळ रौद्ररूप धारण केले असावे असा अंदाज वर्तवण्यात येत आहे. दुपारी अचानक आग लागल्याने बघ्यांनी घटनास्थळी गर्दी केली असून जेसीबीच्या साहाय्याने भिंत फोडून कामगारांना सुखरूप बाहेर काढण्याचे प्रयन्त सुरु असल्याचे समजते. आग नेमकी कशामुळे लागली, ते समजू शकले नाही मात्र, आगीची तीव्रता पाहता आतमध्ये मोठ्या प्रमाणात सॅनिटायजर तसेच इतर ज्वलनशील रसायन साठा असण्याची शक्यता वर्तवण्यात येत आहे.

Pune Fire : पुण्यातील उरवडे औद्योगिक वसाहतीमध्ये रासायनिक कंपनीला आग, 15 महिलांसह 17 जणांचा मृत्यू pic.twitter.com/YKWHTusyZL

— महाराष्ट्रनामा न्यूज (@MahaNewsConnect) June 7, 2021

News English Summary: A major fire has broken out at an industrial estate at Urwade in Mulshi, Pune. The incident took place at Chlorified Company in Urwade. Fifteen female employees and two male employees were killed in the accident. The name of the company concerned is SVS Aqua Technologies. The cause of the fire is yet to be ascertained.

News English Title: A major fire has broken out at an industrial estate at Urwade in Mulshi Pune news updates.