पुणे : संपूर्ण महाराष्ट्रातील कुस्तीशौकीनांना एकच उत्सुकता लागली आहे आणि ती म्हणजे यंदाचा महाराष्ट्र केसरी २०१७ बहुमान कोनाला मिळणार. पुणेकर अभिजित कटके की, अट्टल साताऱ्याचा किरण भगत ?
आज संध्याकाळी पुण्याच्या मुळशी तालुक्यातल्या भूगावात या दोन वाघानं मध्ये तुफान कुस्ती युध्द रंगणार आहे. आणि हाच आजचा संपूर्ण पुण्याचा चर्चेचा विषय झाला आहे. पण दोघेही सारख्याच ताकदीचे पैलवान समजले जातात. काय आहेत दोघांची बलस्थान ?
दोघा मित्रांनी महाराष्ट्रातील कुस्ती जगतात स्वतःची अशी ओळख निर्माण केली आहे. विशेष म्हणजे दोघेही मित्र एकाच वयाचे म्हणजे २२ वर्षांचे आहेत.
एक आहे मॅटवरचा मातब्बर पैलवान तर दुसरा कसलेला मैदानी कुस्तीचा बादशहा.
अभिजीत कटके हा आहे मॅटवरचा मातब्बर पैलवान तर किरण भगत कसलेला मैदानी कुस्तीचा हीरो. अभिजित सलग दुस-यांदा मॅट विभागाची फायनल जिंकून, महाराष्ट्र केसरी किताबाच्या कुस्तीसाठी दावेदार झालाय, तर किरण माती विभागाची फायनल जिंकून, पहिल्यांदाच महाराष्ट्र केसरीसाठी लढण्याचा बहुमान मिळवला आहे.
अभिजीतचं वजन तब्बल 122 किलो असून, त्या तुलनेत किरणच वजन 103 किलो आहे.
किरण भगतनं कुंडलच्या मैदानात तर ट्रिपल महाराष्ट्र केसरी विजय चौधरीला हरवण्याचा भीमपराक्रम गाजवला होता.
जसे दोघं पक्के मित्र तसेच दोघं पक्के पैलवानही बनले आहेत. महाराष्ट्र केसरी २०१७ साठी कुस्ती रसिकांना आत्ता दोस्तीत कुस्ती अनुभवयाला मिळणार आहे.
