Cholera symptoms and Treatment | 'कॉलरा' आजारावर त्वरित उपचार गरजेचे | लक्षण व उपचार - नक्की वाचा

मुंबई, २१ ऑगस्ट | कॉलरा या आजाराला पटकी असेही म्हणतात. हा एक जिवाणूजन्य रोग असतो. जो प्रामुख्याने दूषित पाण्यामुळे होतो. या आजारामध्ये रुग्णाला तीव्र जुलाब, अतिसार आणि उलट्या झाल्याने शरीरातील पाणी कमी झाल्याने डिहायड्रेशन होऊ शकते. त्यामुळे या आजारावर त्वरित उपचार करणे गरजेचे असते.

‘कॉलरा’ आजारावर त्वरित उपचार गरजेचे, लक्षण व उपचार (Cholera symptoms and Treatment in Marathi) :

व्हिब्रियो कॉलेरी नावाच्या जिवाणूमुळे हा रोग होतो. व्हिब्रियो कॉलेरी हे दूषित अन्न आणि पाणी यामध्ये प्रवेश करतात. ज्यामुळे रुग्णास पातळ पाण्यासारखे तीव्र जुलाब आणि अतिसार होऊ शकतो. इतर साथीच्या रोगाप्रमाणे हा रोग दुसरीकडे पसरत नाही. याची काही लक्षणे आहेत जसे की पोटात अतिशय वेदना होणे, वारंवार पातळ शौचास होणे, मळमळ आणि उलट्या होणे इत्यादी. याशिवाय शरीरातील पाणी कमी होऊन अशक्तपणा जाणवणे, तोंड डोळे व त्वचा कोरडी पडणे, रक्तदाब कमी होणे, नाडीची गती वाढणे.

यावर उपचार करण्यासाठी डॉक्टरांकडून काही अँटी बायोटिक दिली जातात आणि डिहायड्रेशन होऊ नये म्हणून नारळाचे पाणी, भाताची पेज आणि इतर द्रव पदार्थ खाणे असे उपाय केले जातात.

कॉलरा आजारावरील उपचार (Cholera treatment) :

कॉलरात जुलाब झाल्याने तसेच उलट्यांमधून शरीरातील पाण्याची होणारी झीज भरून काढणे गरजेचे असते. दवाखान्यात जाऊन डॉक्टरांकडून उपचार करून घ्यावेत. शरीरातील कमी झालेली पाणी व क्षार घटकांची पूर्तता करण्यासाठी रीहायड्रेशन सलाईन, झिंक सप्लिमेंट दिले जाते. तसेच यावर जिवाणू कमी करण्यासाठी अँटीबायोटिक्स औषधे दिली जातात.

पातळ शौचास व उलट्या होत असल्यास शरीरात डिहायड्रेशन होऊ नये म्हणून रुग्णाला वरचेवर पाणी तसेच नारळाचे पाणी, भाताची पेज किंवा इतर द्रवपदार्थ भरपूर द्यावेत. जलसंजीवनी (ओआरएस) द्यावी. ओआरएस पावडर नसल्यास साखर, मीठ व पाण्यापासून घरीच जलसंजीवनी करून रुग्णास देता येते.

घरीच जलसंजीवनी करण्यासाठी स्वच्छ 1 लिटर पाणी, 6 चमचे साखर आणि अर्धा चमचा मीठ चांगले एकजीव करावे. ही जलसंजीवनी रुग्णास वरचेवर थोडी थोडी देत राहावी. त्यामुळे शरीरातील पाणी व क्षार यांचे प्रमाण संतुलित राहते व रुग्ण बरा होतो. एकदा केलेले मिश्रण दुसऱ्या दिवशी वापरू नये. दुसऱ्या दिवशी याचे पुन्हा नवीन मिश्रण करावे व ते वापरावे. (Cholera symptoms and Treatment in Marathi)

कॉलरा पेशंटसाठी असा द्यावा आहार :
रुग्णाला खाण्याकरिता साधे जेवण द्यावे. उकळवून गार केलेले पाणी द्यावे. मसालेदार, तिखट, आंबट, तळलेले पदार्थ असलेले खाणे टाळावे. अर्धवट शिजलेले, शिळे अन्न, बाहेरील पदार्थ खाऊ नये.

कॉलरा म्हणजे पटकी रोग प्रतिबंधात्मक उपाय (Cholera Prevention Tips) :

कॉलराची लागण होऊ नये यासाठी काय करावे, पटकीपासून बचाव कसा करावा, कोणती काळजी घ्यावी याची माहिती खाली दिली आहे.
* परिसरात कॉलराची साथ आली असल्यास अधिक काळजी घ्यावी.
* फिल्टरचे पाणी किंवा उकळवून गार केलेले स्वच्छ पाणी पिण्यासाठी वापरावे.
* जेवणापूर्वी आपले हात साबणाने स्वच्छ धुवावेत.
* शौचविधीनंतर आपले हात साबणाने स्वच्छ धुवावेत.
* ‎अर्धवट शिजलेले, कच्चे, शिळे अन्नपदार्थ खाऊ नयेत.
* बाहेरील उघड्यावरील पदार्थ खाणे टाळावे.
* ‎भाजीपाला, फळे वापराआधी स्वच्छ धुवावीत.
* ‎घराची व आजूबाजूची स्वच्छता राखावी.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

Health Title: Cholera symptoms and Treatment in Marathi news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.