मुंबई, पुणे आणि नाशिकचे डीजे मालक राज ठाकरेंच्या भेटीला

मुंबई : महाराष्ट्र नवनिर्माण सेनेचे अध्यक्ष राज ठाकरे यांची आज मुंबई, पुणे आणि नाशिकच्या डीजे मालकांनी भेट घेतली. ऐन सणासुदीच्या काळातच बंदी घातली गेल्याने पोटापाण्याचा प्रश्न निर्माण झाल्याने, त्यावर काही मार्ग निघण्याचा आशेने डीजे मालकांनी मनसे अध्यक्ष राज ठाकरेंची भेट घेऊन अडचणी मांडल्या.

दरम्यान, चर्चेअंती डीजे प्रकरण मुंबई उच्च न्यायालयात प्रलंबित असून त्यावर येत्या १९ तारखेला सुनावणी होणार असल्याने १-२ दिवस वाट पाहावी. परंतु जर मंडळ तयार असतील तर डीजे नक्की वाजवा असं राज ठाकरेंनी सांगितलं आहे. गणपती विसर्जनाच्या मिरवणुकीत डीजे तसेच डॉल्बी वाजविण्यावर बंदी आहे.

परंतु, साउंड सिस्टीमच्या वापरावर सरसकट बंदी घालणं योग्य आहे का? असा सवाल मुंबई उच्च न्यायालयाला महाराष्ट्र सरकारला केला होता. त्यावर १९ सप्टेंबरला सुनावणी होणार असल्याचे वृत्त आहे. याआधी गणेश मंडळांनी सुद्धा मनसे अध्यक्षांची भेट घेऊन अडचणी मांडल्या होत्या.