अ‌ॅड. रमेश त्रिपाठींनी रेणू शर्मांची केस सोडली | तर सोमैयांना राजकीय उतावळेपणा अंगलट

मुंबई, २१ जानेवारी: राज्याचे सामाजिक न्याय मंत्री धनंजय मुंडे यांना मोठा दिलासा मिळाला आहे. त्यांच्यावर बलात्काराचा आरोप केलेल्या रेणू शर्मा यांनी मुंडेविरोधातील बलात्काराची तक्रार मागे घेतली आहे. कौटुंबिक कारणास्तव मी तक्रार मागे घेत आहे, असं रेणू शर्मा यांनी तक्रार मागे घेताना सांगितलं. तशा प्रकारे पोलिसांना तिने लेखी लिहून दिलं आहे.

कौटुंबिक कारणास्तव तक्रार मागे घेत असल्याचं रेणू शर्मा यांनी तक्रार मागे घेताना सांगितलं. तशाप्रकारे पोलिसांना तिने काल(दि.२१) लेखी निवेदन दिलं असल्याचं वृत्त टीव्ही ९ मराठीने दिलं आहे. प्रकरणाला राजकीय वळण लागल्यामुळे तक्रार मागे घेत असल्याचं रेणू शर्माने म्हटलंय. काही दिवसांपूर्वीच रेणू शर्माने, “मी महाराष्ट्रात एकटीच लढत आहे. कोणतीही माहिती नसताना माझ्यावर चुकीचे आरोप केले जात आहेत. तुमची सर्वांची इच्छा असेल, तर मी माघार घेते”, असं ट्विट केलं होतं. त्यानंतर आता तिने तक्रार मागे घेतली आहे.

त्यानंतर शर्मा यांनी तक्रार मागे घेताच त्यांचे वकील अ‌ॅड. रमेश त्रिपाठी यांनीसुद्धा रेणू यांची केस सोडली आहे. रेणू यांची केस घेतल्यामुळे मागील काही दिवसांपासून धमकीचे फोन येत असल्याचंही त्रिपाठी यांनी म्हटलं होतं. त्यानंतर आता रेणू शर्मा यांनी तक्रार मागे घेतल्यामुळे रमेश त्रिपाठी यांनीसुद्धा केस सोडली आहे. दरम्यान, याच विषयाला अनुसरून कोणतीही खात्री न करता केवळ राजकारणासाठी पोलीस ठाण्यात हजेरी लावणारे भाजपचे माजी खासदार किरीट सोमैया देखील तोंडघशी पडल्याचं म्हटलं जातंय.

News English Summary: As soon as Sharma withdrew the complaint, his lawyer Adv. Ramesh Tripathi has also dropped Renu’s case. Tripathi had also said that he had been receiving threatening phone calls for the last few days due to Renu’s case. Now that Renu Sharma has withdrawn the complaint, Ramesh Tripathi has also dropped the case. Meanwhile, it is said that Kirit Somaiya, a former BJP MP, who used to go to the police station only for politics without any confirmation on the same issue, also fell on his face.

News English Title: Advocate Ramesh Tripathi has also dropped Renu Sharma case news updates.