मुंबई पोलिसांपुढे रिपब्लिकची धाकधूक | चौकशीला गैरहजेरी | न्यायालतात धाव

मुंबई, १० ऑक्टोबर : टीआरपी घोटाळा प्रकरणी मुंबई पोलिसांनी रिपब्लिक टीव्हीचे मुख्य वित्तीय अधिकारी (सीएफओ) शिवा सुब्रमण्यम सुंदरम यांना चौकशीसाठी समन्स बजावण्यात आले होते. आज त्यांना मुबई पोलिसांपुढे जबाब नोंदविण्यासाठी हजर राहायचे होते. मात्र मुंबई पोलिसांची आक्रमक कारवाई बघता रिपब्लिक टीव्ही वाहिनीवर देखील दडपण असल्याचं पाहायला मिळालं आहे.

समन बजावण्यात आलेलं तरी रिपब्लिक टीव्हीचे मुख्य वित्तीय अधिकारी (सीएफओ) शनिवारी मुंबई पोलिसांसमोर हजर झाले नाहीत. मुंबई पोलिसांनी थेट रिपब्लिक टीव्हीच्या बँक अकाऊंटची चौकशीपर्यंत हात घातल्याने सर्वोच्च न्यायालयात धाव घेतली आहे आणि त्यामुळे CFO शिवा सुब्रमण्यम सुंदरम मुंबई पोलिसांपुढे चौकशीसाठी हजर झाले नाहीत असं वृत्त आहे. डेक्कन क्रॉनिकलने याबाबत वृत्त दिलं आहे.

मात्र दुसरं वृत्त हाती आल्याप्रमाणे रिपब्लिकचे सीएफओ पुढील काही दिवस मुंबईबाहेर असल्याने आणि त्यांच्या उपलब्धतेनुसार म्हणजे १४ ते १५ ऑक्टोबर, २०२० दरम्यान सदर चौकशीबाबत हजर राहू असं मुंबई पोलिसांना कळवलं आहे.

दरम्यान, टीआरपी घोटाळा प्रकरणी मुंबई पोलिसांनी रिपब्लिकच्या रिपोर्टरला समन्स बजावलेले असताना आता गुन्हे शाखेकडून टीआरपी स्कॅम केसमध्ये आणखी 6 जणांना समन्स जारी करण्यात आले आहे. त्यामुळे रिपब्लिक चॅनेलपुढच्या अडचणी वाढल्या आहेत.

रिपब्लिकच्या 4 वरिष्ठ पदावरील व्यक्तींना हे समन्स जारी करण्यात आले आहेत. यात हंसा रिसर्च ग्रुपच्या दोघांना गुन्हे शाखेकडून समन्स बजावण्यात आल्याची माहिती आहे. गुन्हे शाखा उद्या (शनिवारी) आणखी 6 जणांची चौकशी करणार आहे. विकास खानचंदानी (सीईओ रिपब्लिक), हर्ष भंडारी (सीओओ रिपब्लिक), प्रिया मुखर्जी (सीओओ रिपब्लिक) आणि घनश्‍याम सिंग (डिस्ट्रीब्युशन हेड ऑफ रिपब्लिक) यांना समन्स बजावण्यात आल्याची माहिती आहे.

News English Summary: Despite summons, Republic TV’s Chief Financial Officer (CFO) did not appear before the Mumbai police on Saturday to record his statement in connection with the TRP manipulation racket, saying the channel has approached the Supreme Court in the case, a senior official said. Shiva Subramaniyam Sundaram, the channel’s CFO, against whom summons had been issued on Friday, also requested the police not to record his statement saying the top court’s hearing is scheduled within a week, the official said.

News English Title: Fake TRP scam Republic TV CFO do not appear before Mumbai police to record statement Marathi News LIVE latest updates.