मनसुख हिरेन मृत्यू प्रकरणाचा तपास एटीएसकडे - गृहमंत्री

ठाणे, ०६ मार्च: काल शुक्रवारी सकाळी मनसुख हिरेन यांचा मृतदेह मुंब्रा खाडी परिसरात सापडला होता. त्या ठिकाणी आज सकाळीच ठाणे पोलीस पोहोचले आहेत. पोलिसांनी या संपूर्ण परिसरांची कसून पाहणी सुरू केली असून हिरेन मृत्यूप्रकरणी पुरावे शोधण्यास सुरुवात केली आहे.

काल सकाळी दहा साडे दहाच्या सुमारास मनसुख हिरेन यांचा मृतदेह मुंब्रा खाडीत सापडला होता. हिरेन यांचा मृतदेह बाहेर काढण्यात आला. त्यामुळे हिरेन यांच्या मृत्यूवरून संशय व्यक्त करण्यात येत होता. हिरेन यांनी आत्महत्या केली की त्यांची हत्या करण्यात आली यावर तर्कवितर्क लढवले जात आहेत. काल हिरेन यांच्या मृतदेहाचं शवविच्छेदनही करण्यात आलं.

दरम्यान, मनसुख हिरेन प्रकरण तपासासंबंधी विरोधकांकडून वेगवेगळ्या मागण्या करण्यात आल्या. शवविच्छेदनानंतर मृत्यूचं नेमकं कारण समोर येईल. आम्ही हा तपास एटीएसकडे सोपवण्याचा निर्णय घेतला आहे,” अशी माहिती राज्याचे गृहमंत्री अनिल देशमुख यांनी दिली आहे.

News English Summary: Various demands were made by the opposition regarding the investigation into the Mansukh Hiren case. An autopsy will reveal the exact cause of death. We have decided to hand over the investigation to the ATS, ”said Home Minister Anil Deshmukh.

News English Title: Mansukh Hiren case will be investigated by ATS said home minister Anil Deshmukh news updates.