अनेक कंपन्या दिवाळखोर होऊन कर्मचाऱ्यांना नोकरीवरुन काढण्याची लाट येणार: IMF प्रमुख

वॉशिंग्टन डीसी, २८ मार्च: “संपूर्ण जग आर्थिक मंदीच्या संकटात सापडल्याचं आता स्पष्ट झालं असून ही मंदी २००९ मध्ये आलेल्या जागतिक आर्थिक संकटापेक्षाही वाईट असेल”, असं आंतरराष्ट्रीय नाणेनिधीच्या प्रमुख क्रिस्टलिना जॉर्जीव्हा यांनी म्हटलंय. शुक्रवारी (दि.२७) एका ऑनलाइन पत्रकार परिषदेत बोलताना जॉर्जीव्हा यांनी करोना व्हायरसमुळे जग आर्थिक मंदीच्या संकटात सापडल्याचं सांगत चिंता व्यक्त केली.

करोना व्हायरस जागातील १७५हून अधिक देशांमध्ये फैलावला आहे. जगभरात करोना व्हायरसचे ५,२९,६१४ रुग्ण आढळून आले आहेत. तर १२१४५४ इतके रुग्ण बरे झाले आहेत. करोनाने जगातील मृतांचा आकडा २३७१४ पर्यंत गेला आहे. भारतात हा आकडा ७२४वर गेला आहे. तर १७ जणांचा मृत्यू झाला आहे. करोना व्हायरसमुळे जगभरातील आर्थिक उलाढाल अचानक ठप्प झाली आहे. यामुळे बाजारांना उभारी देण्यासाठी २५०० अब्ज डॉलरची आर्थिक गुंतवणूक करण्याची गरज आहे. हा आकडा कमी आहे. आतापर्यंत ८० हून अधिक देशांनी IMFकडे आपत्कालीन मदतीची मागणी केली आहे, असं त्यांनी सांगितलं.

.@KGeorgieva: It is now clear that we have entered a recession. We project a rebound in 2021, but only if we contain the virus and prevent liquidity problems from becoming a solvency issue. https://t.co/dg8FHiuftW #COVID19 pic.twitter.com/BIbFaRB48u

— IMF (@IMFNews) March 27, 2020

“करोना व्हायरस नावाच्या महामारीमुळे जागतिक अर्थव्यवस्थेला जबरदस्त फटका बसला आहे आणि विकसनशील देशांना मदतीसाठी मोठ्या प्रमाणात निधीची आवश्यकता आहे”, असे जॉर्जीव्हा म्हणाल्या. “जागतिक अर्थव्यवस्था अचानक थांबल्याने अनेक कंपन्या दिवाळखोर होण्याची आणि त्यानंतर कर्मचाऱ्यांना नोकरीवरुन काढण्याचीही लाट येईल ही प्रमुख चिंता आहे. त्यामुळे उदयोन्मुख बाजारपेठांना जवळपास २.५ ट्रिलियन डॉलरची गरज आहे. पण, ८० पेक्षा अधिक देशांनी आधीच आंतरराष्ट्रीय नाणेनिधीकडे आपात्कालीन मदतीची विनंती केली आहे.

News English Summary: “It is now clear that the whole world is in crisis, and the recession will be worse than the global financial crisis in 2009,” said Kristalina Georgieva, head of the International Monetary Fund. Speaking at an online press conference on Friday, Kristalina Georgieva expressed concern that the world was in crisis due to the Corona virus. “The global economy is hit hard by the epidemic called the Corona virus, and developing countries need huge funds to help them,” said Kristalina Georgieva. “The major concern is that with the sudden shutdown of the global economy, many companies will go bankrupt and then put employees on the job.” So emerging markets need around $ 2.5 trillion. However, more than 80 countries have already requested emergency assistance to the International Monetary Fund.

News English Title: Story corona virus outbreak Covid19 Clear we have entered recession says IMF Chief Kristalina Georgieva News latest Updates.