पश्चिम बंगाल निवडणूक | भाजपकडे उमेदवारांचा अभाव | फिल्मी कलाकारांच्या प्रवेशाचा सपाटा

कोलकत्ता, ०२ मार्च: २०११ मध्ये ममता बॅनर्जी यांनी जेव्हा सीपीएमची गेल्या ३४ वर्षांपासून असलेली सत्ता उलथवून दिली, तेव्हा त्यांना बंगालमधील सेलिब्रिटींचे खूप पाठबळ मिळाले. यामध्ये खासकरून टॉलीवूडच्या या सेलिब्रिटींचा समावेश होता, ज्यांनी राज्यात बदल घडवून आणण्याचे आवाहन जनतेला केले हाेते. आता ममतांच्याच पावलावर पाऊल टाकत भारतीय जनता पक्षाचीही सेलिब्रिटींचा पाठिंबा घेण्याची इच्छा आहे.

मग संघाचे प्रमुख मोहन भागवत यांनी मिथुन चक्रवर्ती यांची मुंबईत घेतलेली भेट असेल किंवा डाॅ. श्यामाप्रसाद मुखर्जी रिसर्च फाउंडेशनचे संचालक डॉ. अनिर्बान गांगुली यांची बंगालचे चर्चेतील अभिनेता प्रसेनजित चटर्जी यांची भेट असेल, या सर्वांचा संबंध बंगालमध्ये प्रभाव असलेल्या मोठ्या सेलिब्रिटींना आपल्याबराेबर घेण्याचा भाजप प्रयत्न करत असल्याशी लावला जात आहे.

बंगाली चित्रपट उद्याेग अतिशय वाईट परिस्थितीतून वाटचाल करत आहे. आधी आम्ही वर्षातून ७५ ते ८० चित्रपट बनवायचाे, आता मुश्किलीने ३० ते ४० चित्रपट बनत आहेत. जे चित्रपट बनत आहेत त्याला प्रेक्षक मिळत नाही. आधी ७५० पेक्षा जास्त चित्रपटगृहे हाेती, आता सिंगल स्क्रिन आणि मल्टिप्लेक्स मिळून बंगालमध्ये १००च्या आसपास चित्रपटगृहे आहेत. त्यामुळे उद्याेगातील लाेकांच्या हाताला काम नाही. पक्षाच्या माध्यमातून मुंबईत प्रवेश मिळेल म्हणून अनेक सेलिब्रेटी भारतीय जनता पक्षामध्ये प्रवेश करत आहेत. कारण बंगालमध्ये आता चित्रपटाचा वार्षिक व्यवसाय १०० काेटी पण राहिलेला नाही. आधी ३००-४०० काेटी सहज कमावले जायचे. चक्रवर्ती यांच्या म्हणण्यानुसार बंगालमध्ये विधानसभेच्या २९४ जागा आहेत त्यामुळे ताे प्रत्येक लहान-माेठ्या सेलिब्रेटीला पक्षात घेण्याच्या प्रयत्नात आहे.

आता बंगाली अभिनेत्री श्राबंती चटर्जी यांनी भारतीय जनता पक्षाचा झेंडा हाती धरला. आगामी पश्चिम बंगाल विधानसभा निवडणुकांच्या पार्श्वभूमीवर चटर्जींनी भारतीय जनता पक्षाप्रवेश केला. पश्चिम बंगालमधील प्रघातानुसार यंदाही निवडणुका ‘तारांकित’ होण्याची चिन्हं आहेत. पश्चिम बंगाल भारतीय जनता पक्षाचे प्रदेशाध्यक्ष दिलीप घोष आणि पक्षाचे निवडणूक प्रभारी कैलाश विजयवर्गीय यांच्या उपस्थितीत अभिनेत्री श्राबंती चटर्जी यांचा पक्षप्रवेश झाला.

Bengali actor Srabanti Chatterjee joins Bharatiya Janata Party in Kolkata pic.twitter.com/tEE7OgqBDL

— ANI (@ANI) March 1, 2021

33 वर्षीय श्राबंती चटर्जी या बंगालमधील लोकप्रिय अभिनेत्री आहेत. त्यांनी आतापर्यंत अनेक चित्रपटांमध्ये काम केले आहे. वयाच्या दहाव्या वर्षी मायार बंधनमधून त्यांनी चित्रपटसृष्टीत पाऊल ठेवले. त्यानंतर चॅम्पियन, भालोबासा भालोबासा, वाँटेड, फायटर, इडियट यासारख्या अनेक बंगाली चित्रपटात त्या झळकल्या आहेत. डान्स बांगला डान्स या रिअॅलिटी शोचं परीक्षणही त्यांनी केले आहे. 2003 मध्ये राजीव विस्वास यांच्यासोबत श्राबंती चटर्जी यांनी लग्न केले होते.

News English Summary: When Mamata Banerjee overthrew the CPM for the last 34 years in 2011, she received a lot of support from celebrities in Bengal. This was especially the case with Tollywood celebrities who have called for change in the state. Now, following in Mamata’s footsteps, the Bharatiya Janata Party (BJP) also wants the support of celebrities. Now Bengali actress Shravanti Chatterjee is holding the Bharatiya Janata Party flag. Chatterjee joined the Bharatiya Janata Party against the backdrop of the forthcoming West Bengal Assembly elections.

News English Title: Actress Srabanti Chatterjee joins BJP before Assembly election 2021 news updates.