OPPO Find X6 Pro 5G | ओप्पो Find X6 Pro 5G मध्ये मिळणार जबरदस्त कॅमेरा फीचर्स, लवकरच लाँच होतोय

OPPO Find X6 Pro 5G | ओप्पो Find X6 सीरिज पुढील आठवड्यात भारतासहित जागतिक स्तरावर लाँच होणार आहे. ओप्पोच्या या फ्लॅगशिप स्मार्टफोन सीरिजचे फीचर्स बऱ्याच दिवसांपासून लीक होत होते. चिनी ब्रँडने अधिकृतपणे या स्मार्टफोन सीरिजचा कॅमेरा सॅम्पल जारी केला आहे. या सीरिजव्यतिरिक्त कंपनी ओप्पो पॅड 2 देखील लाँच करणार आहे. Find X6 सीरिज स्टँडर्ड मॉडेलमधून क्लिक केलेले लो लाइट कॅमेऱ्याचे नमुने ब्रँडने आपल्या सोशल मीडिया हँडलवरून शेअर केले आहेत. यासोबतच फोनच्या कॅमेरा फीचर्सची ही माहिती समोर आली आहे.

वनप्लसचे सीईओ पीट लाऊ यांनी आगामी ओप्पो फाइंड एक्स 6 प्रोचे लो लाइट कॅमेरा नमुने देखील शेअर केले आहेत. चिनी मायक्रोब्लॉगिंग प्लॅटफॉर्म वीबोने या फोनमधून घेतलेले तीन फोटो शेअर केले आहेत, ज्यात इमेजची स्पष्टता आणि तीक्ष्णता पाहायला मिळते. ओप्पोच्या आगामी स्मार्टफोनमध्ये १ इंचाचा ५० मेगापिक्सलचा सोनी आयएमएक्स९८८ प्रायमरी कॅमेरा मिळणार आहे. याशिवाय ५० मेगापिक्सलचा अल्ट्रा वाइड आणि ५० मेगापिक्सलचा पेरिस्कोप सेन्सर मिळेल.

We’re entering a new era of mobile imaging. pic.twitter.com/2siWoh7PcO

— Pete Lau (@PeteLau) March 16, 2023

अलीकडेच चायनीज टिप्सटर डिजिटल चॅट स्टेशनने या स्मार्टफोन सीरिजच्या कॅमेरा मॉड्यूलची डिटेल्स शेअर केली. ही स्मार्टफोन सीरिज ओरियो शेप डिझाइनसह येणार आहे. याच्या मागील बाजूस एलईडी फ्लॅशसह तीन कॅमेरे असतील. समोर आलेल्या डिझाइनमध्ये फोनच्या मागील बाजूस ग्लास डिझाइनसह ग्लॉसी फिनिश देखील मिळेल. त्याचबरोबर त्याच्या गोल आकाराच्या कॅमेरा डिझाइनच्या तळाशी मेटल आणि मॅट फिनिश पाहायला मिळते.

फीचर्स
ओप्पोचा हा प्रीमियम फ्लॅगशिप स्मार्टफोन क्वालकॉम स्नॅपड्रॅगन 8 जेन 2 प्रोसेसरसह येऊ शकतो. यात १६ जीबीपर्यंत रॅम आणि ५१२ जीबीपर्यंत स्टोरेज सपोर्ट मिळू शकतो. फोनमध्ये ५० एमएएच ची बॅटरी आणि १०० वॉट वायर्ड फास्ट चार्जिंग मिळेल. या फोनमध्ये ५० वॉट वायरलेस चार्जिंग फीचर देखील मिळू शकते. हा स्मार्टफोन नुकताच एंटुटूवर दिसला, जिथे त्याला 1.20 मिलियन पॉईंट्स मिळाले आहेत, ज्यावरून हे दिसून येते की हा फोन एक हाय परफॉर्मिंग डिव्हाइस असू शकतो.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: OPPO Find X6 Pro 5G smartphone price in India check details on 20 March 2023.