BJP MP Brij Bhushan | भारतीय कुस्ती महासंघाचे (डब्ल्यूएफआय) माजी अध्यक्ष बृजभूषण सिंह यांच्या अटकेच्या मागणीसाठी खाप पंचायतीने आज हरियाणा बंदची हाक दिली आहे. या दरम्यान दिल्लीला होणारा दूध आणि पाण्याचा पुरवठा बंद करण्याचेही सांगण्यात आले आहे.
झज्जर जिल्ह्यातील बहादूरगडमधील मंडोठी टोल नाक्यावर झालेल्या जनता संसदे दरम्यान ही घोषणा करण्यात आली. दलाल खाफ 84 शी संबंधित भूप सिंह दलाल यांनी बृजभूषण सिंह यांना लैंगिक छळाच्या आरोपाखाली अटक करण्याची मागणी केली आहे. शेतकरी संघटनांनीही त्याला पाठिंबा दिला आहे.
रविवारी झालेल्या बैठकीत ग्रामस्थांनी हरयाणातून दिल्लीला होणारा दूध, भाजीपाला यासारख्या जीवनावश्यक वस्तूंचा पुरवठा खंडित करण्याचा इरादा जाहीर केला होता. त्यानंतर १८ जून रोजी भारत बंदची ही हाक देण्यात आली आहे.
गेल्या १५९ दिवसांपासून रेल्वे कॉरिडॉरसाठी भूसंपादन करताना देण्यात आलेल्या मोबदल्यात झालेल्या कथित अनियमिततांचा निषेध ही मांडोठी टोलनाक्यावर झालेल्या बैठकीत करण्यात आला. याशिवाय २५ कलमी अजेंड्यावर चर्चा करण्यात आली.
१५ जूनपर्यंत वाट पाहू.. अन्यथा!!
कुस्तीपटूंना खाप पंचायती, शेतकरी, नीरज चोप्रा, ऑलिम्पिक सुवर्णपदक विजेता अभिनव बिंद्रा यांचे सहकार्य लाभले आहे. तर बजरंग पुनिया म्हणाला, ‘खेळाडूंची पंचायत बोलावण्यात आली होती. आम्ही जे बोललो ते सरकारसमोर मांडले. १५ जूनपर्यंत सर्व चाचण्या केल्या जातील, असे आश्वासन सरकारने दिले आहे. आम्ही १५ जूनपर्यंत वाट पाहू, असेही पंचायतीने सांगितले. तसे न झाल्यास मोठे आंदोलन करू. पुनिया म्हणाले की, सरकारने कुस्तीपटूंना आश्वासन दिले आहे की ब्रिज भूषण यांच्या कुटुंबातील कोणालाही डब्ल्यूएफआयसाठी निवडले जाणार नाही.
News Title : BJP MP Brij Bhushan Arrest demand Haryana Bandh check details on 14 June 2023.
