शिवसेना आमदारांची धावपळ शिंदेंसाठी नव्हे तर 'धनुष्यबाण' चिन्हासाठी | शिवसेना गट भाजपच्या ताब्यात जाणार

Eknath Shinde | बंडखोर एकनाथ शिंदे याच्या गटात सामील होणाऱ्या शिवसेना आमदार नेत्यांची संख्या वाढताना दिसत आहेत. शिवसेनेचे आणखी सहा आमदारांसोबत शिवसेनेचा संपर्क होत नाही. सध्या गुवाहाटीमध्ये जवळपास 45 आमदार उपस्थित आहेत. त्यात आता आणखी आमदार संपर्कात नसल्याने शिवसेनेची चिंता वाढली आहे. सर्वात चिंताजनक बाब म्हणजे मुंबईतील दोन आमदार नॉटरिचेबल आहेत.

उरलेले आमदारही आसामकडे पळू लागले :
सध्या मंत्री दादा भुसे, संजय राठोड, आमदार मंगेश कुडाळकर, सदा सरवणकर, दीपक केसरकर आणि दिलीप लांडे यांच्याशी संपर्क होत नाही. कट्टर शिवसैनिक म्हणून ओळख असलेल्या नेत्यांनी बंडाचं निशाण उगारल्याने नेमकी नाराजी काय आहे. एकप्रकारे पक्ष नेतृत्वावर आमदारांची नाराजी असल्याची चर्चाही आता राजकीय वर्तुळात रंगू लागली आहे.

आसाममध्ये आमदारांच्या परेड सुरु :
दरम्यान एकीकडे उद्धव ठाकरे यांची साथ सोडून जाणाऱ्या आमदारांची संख्या वाढत असताना दुसरीकडे एकनाथ शिंदे यांना पाठिंबा देणाऱ्या आमदारांच्या संख्येत वाढ झाली आहे. एकनाथ शिंदे त्यांच्या समर्थक आमदारांसह गुवाहाटीच्या हॉटेल रॅडिसन ब्लूमध्ये मुक्कामाला आहेत. काल (22 जून) त्यांच्या गटात आणखी चार आमदार सहभागी झाले आहेत. गुलाबराव पाटील, योगेश कदम, चंद्रकात पाटील आणि मंजुळा गावित हे शिंदे गटात सामील झाले. हा शिवसेनेसाठी मोठा धक्का समजला आहे. हे चारही आमदार हॉटेलमध्ये पोहोचताच इतर आमदारांनी त्यांचं स्वागत केलं. शिवाय एकनाथ शिंदे देखील यावेळी उपस्थित होते.

शिवसेनेचं चिन्हं शिंदे गटाकडे जाण्याची धास्ती :
सध्या गुवाहाटीमध्ये जवळपास 45 आमदार उपस्थित आहेत. त्यात आता आणखी आमदार संपर्कात नसल्याने शिवसेनेची चिंता वाढली आहे. त्यात एकूण प्रमाण पाहिल्यास संपूर्ण शिवसेना एकनाथ शिंदे यांच्या ताब्यात गेल्याचा संदेश काही यंत्रणा इतर आमदारांना देत आहेत. परिणामी उरलेले आमदारही आसामला पळ काढत आहेत. मात्र यातून उद्धव ठाकरे यांना राजकीय दृष्ट्या पूर्णपणे संपवून टाकायचं अशी क्रूर राजकीय योजना आखल्याची माहिती समोर येतं आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Eknath Shinde is in Assam state check details here 23 June 2022.