आता सुरत मध्ये अल्पवयीन मुलीवर बलात्कार, नंतर निर्घृण हत्या

सुरत : जम्मू काश्मीर मधील कठुआ आणि उत्तर प्रदेशातील उन्नाव नंतर आता पंतप्रधानांच्या गुजरातमधील सुरतमध्ये ११ वर्षीय मुलीवर सतत ८ दिवस बलात्कार करून नंतर तिची निर्घृण हत्या केल्याची घटना घडली आहे.

संपुर्ण देशात विकृतांच्या वासनेच्या बळी जाणाऱ्या मुलींचा आकडा थांबण्याचं नाव घेताना दिसत नाही. हि घटना ६ एप्रिल रोजी सुरत मधल्या पांडेसरा येथे घडली असून त्या अल्पवयीन मुलीचा मृतदेह एका क्रिकेट ग्राउंडजवळ आढळला आहे. तिची बलात्कार करून नंतर निर्घृण हत्या केली.

या अल्पवयीन मुलीला बलात्कार्यांनी प्रचंड यातना दिल्याचे तिच्या मृतदेहावरून कळत आहे. तिच्या शरीरावर ८० पेक्षा अधिक जखमा आढळल्या असून तिची ओळख पटणे कठीण झालं आहे. स्थानिक पोलीस अधिक तपास करत आहेत.