अनेक शेतकरी शहीद | मोदी सरकारविरोधात संयुक्त किसान मोर्चा आंदोलन तीव्र करणार

नवी दिल्ली, २० डिसेंबर: आज शेतकरी आंदोलनाचा 25वा दिवस आहे. नवे कृषि कायदे रद्द करण्याच्या मागणीसाठी शेतकऱ्यांचं दिल्लीच्या वेशीवर आंदोलन सुरु आहे. कडाक्याच्या थंडीतही आपल्या मागण्यांवर ठाम असणाऱ्या शेतकऱ्यांचा सरकारविरोधातील लढा सुरुच आहे. आपले आंदोलन अधिक तीव्र करण्यासाठी संयुक्त किसान मोर्चाच्या राष्ट्रव्यापी बैठकीमध्ये एकमताने काही निर्णय घेण्यात आले आहेत.

दिल्लीच्या विविध सीमांवर शेतकरी आंदोलन करत आहेत. शेतकरी संघटनांनी आतापर्यंत आंदोलनात मृत्यू झालेल्या शेतकऱ्यांना शहीदांचा दर्जा दिला आहे. तसेच शेतकरी आंदोलनात शहीद झालेल्या या सर्व शेतकऱ्यांसाठी श्रद्धांजली सभा आयोजित करण्याचा निर्णय घेतला आहे. दरम्यान, एनडीएचा घटक पक्ष असलेल्या राष्ट्रीय लोकतांत्रिक पक्षाचे संयोजक हनुमान बेनीवाल यांनीही आता शेतकरी आंदोलनाच्या समर्थनार्थ २६ डिसेंबरला २ लाख शेतकऱ्यांसह राजस्थान ते दिल्ली मोर्चा काढणार असल्याचं जाहीर केलं आहे.

केंद्र सरकारच्या कृषी कायद्यांविरोधात सुरू असलेले शेतकरी आंदोलन आता अधिकच तीव्र होऊ लागले आहे. हे आंदोलन करताना मृत्युमुखी पडलेल्या शेतकऱ्यांना श्रद्धांजली अर्पण करण्यासाठी, आज शेतकरी संघटनांच्यावतीने देशभरात श्रद्धांजली सभांचे आयोजन करण्यात आले आहे. या पार्श्वभूमीवर काँग्रेस नेते राहुल गांधी यांनी ट्विटद्वारे प्रतिक्रिया दिली आहे. शिवाय, त्यांनी मृत्युमुखी पडलेल्या शेतकरी बांधवांना श्रद्धांजली देखील अर्पण केली आहे.

News English Summary: Today is the 25th day of the farmers’ movement. Farmers are protesting at the gates of Delhi demanding repeal of new agricultural laws. Even in the bitter cold, the farmers, who are adamant on their demands, continue to fight against the government. In order to intensify our agitation, some decisions have been taken unanimously in the nationwide meeting of the United Kisan Morcha.

News English Title: Agitation against Modi government decision in nationwide meeting of Sanyukta Kisan Morcha news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.