मुंबई कोणाच्या बापाची आहे का | भाजप खासदाराचं मुख्यमंत्र्यांना मेन्शन करत वक्तव्य

मुंबई, ४ सप्टेंबर : कंगनाच्या मुंबईच्या वक्तव्यावरून वातावरण पेटलं आहे. यावरून कंगनाला मुंबईत न येणाचा सल्ला देणाऱ्यांना कंगनाने पुन्हा एक आव्हान दिलं आहे. कुणाच्या बापात हिम्मत असेल तर मला रोखून दाखवा, असं म्हणत कंगनाने आपण ९ सप्टेंबर रोजी मुंबईत येणार असल्याचं सांगितलं आहे.

‘अनेकांनी मला मुंबईत परत न येण्याची धमकी दिली आहे. त्यामुळे आता मी येत्या आठवड्यात ९ सप्टेंबर रोजी मुंबईत प्रवास करणार आहे. मुंबई एअरपोर्टला उतरण्याची वेळ मी तुम्हाला ठरली की सांगेन. कुणाच्या बापात हिम्मत अशेल तर मला रोखून दाखवा’,असं ट्विट कंगनाने केलं आहे.

दरम्यान, कंगनाची याच ट्विटवर प्रतिक्रिया देताना भाजपचे खासदार परवेश साहिबसिंग वर्मा यांनी थेट उद्धव ठाकरेंच्या कार्यालयाला मेन्शन करत ‘मुंबई कोणाच्या बापाची आहे का? हे महाराष्ट्रात चाललंय काय…असं ट्विट केल्याने अजून वाद निर्माण होण्याची शक्यता आहे.

किसी के पिता की जागीर है मुम्बई?
ये महाराष्ट्र में क्या हो रहा है @OfficeofUT? https://t.co/MApWS6h1Qk

— Parvesh Sahib Singh (@p_sahibsingh) September 4, 2020

मुंबईला पाकव्याप्त काश्मीरची उपमा देणाऱ्या अभिनेत्री कंगना राणौत हिच्यावर सध्या सोशल मीडियावर टीकेचा भडिमार होत आहे. या पार्श्वभूमीवर कंगना राणौत हिने आणखी एक ट्विट करून विरोधकांवर पलटवार केला आहे. या ट्विटमध्ये कंगनाने म्हटले आहे की, तर आता सगळ्या गुंडांची तळपायाची आग मस्तकात केली आहे. ते वैफल्यग्रस्त झाले आहेत पण त्यांच्याकडे मांडायला कोणताही तर्कशुद्ध मुद्दा नाही. त्यामुळे हे सर्वजण माझ्याविषयी आक्षेपार्ह मिम्स तयार करत असून मला नावं ठेवत आहेत.

News English Summary: Reacting to Kangana’s tweet, BJP MP Parvesh Sahibsingh Verma directly mentioned Uddhav Thackeray’s office and asked, ‘Whose father is Mumbai? Tweeting whether this is happening in Maharashtra is likely to create more controversy.

News English Title: BJP Delhi MP Parvesh Sahib Singh Verma CM Uddhav Thackeray Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.