शेतकऱ्यांचा रोष भोवला | पंजाबमध्ये स्थानिक स्वराज्य संस्थांच्या निवडणुकीत भाजपची बिकट अवस्था

चंदीगड, १७ फेब्रुवारी: पंजाबमध्ये स्थानिक महापालिका आणि नगर परिषद निवडणूक निकाल आज (बुधवारी) जाहीर होत आहेत. यासाठी मतगणना सुरू आहे. उल्लेखनीय म्हणजे, दिल्लीच्या सीमेवर शेतकरी आंदोलन सुरू असताना पार पडत असलेल्या या निवडणुकांत मतदारांनी केंद्रातील सत्ताधारी भाजपला जोरदार चपराक दिलीय. दुपारी १२.३० वाजेपर्यंत काँग्रेसनं पाच महानगर पालिकांत विजय मिळवला आहे. यामध्ये मोगा, होशियारपूर, कपूरथला, बठिंडा आणि अबोहर या महानगरपालिकांचा समावेश आहे.

१४ फेब्रुवारी रोजी इथे ८ महानगरपालिका, १०९ नगर परिषद आणि नगर पंचायतींसाठी २३०२ वॉर्डांमध्ये निवडणूक पार पडली होती. पालिकांचा विचार केल्यास मजिठामध्ये १३ पैकी १० जागांवर अकाली दलाने विजय मिळवला आहे. तरणतारणमधील भिखिविंड नगरपंचायतीमध्ये काँग्रेसने ११ तर अकाली दलाने २ जागांवर विजय मिळवला आहे. राजकोटमध्ये १५ पैकी १५ जागांवर काँग्रेसने बाजी मारली आहे. तर जलालाबादमध्ये १७ पैकी ९ जागांवर काँग्रेस विजयी झाली आहे. त्याचप्रमाणे नंगल, लोहियाँ आणि नूरमहल येथेही काँग्रेसची सत्ता आली आहे. राजपूरामध्ये २७ जागांवर काँग्रेसने विजय मिळवला आहे. मोगामध्येही काँग्रेस मोठा पक्ष ठरला आहे.

Punjab: Counting of votes underway for local body elections; latest visuals from Ludhiana’s Doraha area pic.twitter.com/0hM4JYxMNM

— ANI (@ANI) February 17, 2021

अकाली दलासोबतची युती तुटल्यानंतर प्रथमच एकट्याने निवडणूक लढवणाऱ्या भाजपाची या निवडणुकीत मोठ्या प्रमाणात पीछेहाट झाली आहे. भाजपाला अनेक ठिकाणी पराभव पत्करावा लागला आहे.

News English Summary: Local body and municipal council election results in Punjab are being announced today (Wednesday). The counting of votes is underway. Remarkably, in this election, which is being held at the time of the farmers’ agitation on the Delhi border, the voters have given a strong slap to the ruling BJP at the Center. Congress has won in five Municipal Corporations till 12.30 pm. These include Moga, Hoshiarpur, Kapurthala, Bathinda and Abohar Municipal Corporations.

News English Title: BJP got big setback in Punjab municipal council election results after farmers protest news updates.