बिहारमधील मोदींच्या सभेदरम्यान भाजप कार्यकर्त्यांचा राडा, एकमेकांना खुर्चा फेकून मारल्या

गया : काल बिहारमधील गया येथे नरेंद्र मोदी यांची जाहीर सभा पार पडली. परंतु, मोदींच्या भाषणादरम्यानच उपस्थित भाजप कार्यकर्त्यांचे दोन गट आपसात भिडले आणि मोठी धांदल उडाली होती. भाजप कार्यकर्ते वरिष्ठ नेत्याचं ऐकण्याच्या देखील मनस्थितीत दिसत नव्हते. नेत्यांनी आवाहन करून देखील हाणामारी सुरूच होती.

काही क्षणातच कार्यकर्ते इतके आक्रमक झाले की त्यांनी एकमेकांना खुर्च्या फेकून मारण्यास सुरवात केली आणि त्यानंतर मोठी तारांबळ उडाली होती. दोन दिवसांपूर्वी महाराष्ट्रातील वर्धा येथे मोदींची जाहीर सभा पार पडली आणि त्याला देखील लोकांनी पाठ दाखवली होती. तसेच मोदी भाषणाला उभे राहताच लोकांनी सभा स्थळावरून काढता पाय घेतला होता.

त्यामुळे मोदींच्या देशभर होणाऱ्या सभांमध्ये काही ना काही शुक्लकाष्ट लागल्याचे चित्र सध्या आहे. पहिल्यांदा सामान्य लोकं मोदींच्या भाषणाकडे पाठ करत, पण आता उपस्थित कार्यकर्ते देखील त्याच्या उपस्थितीतच हाणामाऱ्या करताना दिसत आहेत.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.