देशात कोरोनावरील लस तयार, जुलैपासून चाचणी, यापूर्वी अनेक लसची निर्मिती

हैदराबाद, ३० जून : कोरोना व्हायरसमुळं सातत्यानं वाढणाऱ्या रुग्णसंख्येला आळा घालण्यासाठी आरोग्य यंत्रणा सर्वतोपरी प्रयत्न करत आहेत. सोबतच संशोधकही या विषाणूचा नायनाट करण्यासाठीची लस शोधण्यात सर्व मार्गांचा अवलंब करत आहेत. प्रयत्नांच्या याच साखळीमध्ये आता संशोधकांना यश मिळाल्याचं कळत आहे. त्यामुळं हा एक मोठा दिलासा असल्याचं म्हटलं जात आहे. भारतात कोरोनावरील ही पहिली लस विकसित करण्यात आली असून, लसीच्या मानवी चाचणीला परवानगी मिळाली आहे. ड्रग कंट्रोलर जनरल ऑफ इंडियानं या लसीच्या मानवी चाचणीसाठी परवानगी दिली.

जुलै महिन्यामध्ये या लसीची क्लिनिकल ट्रायल घेतली जाणार आहे. भारत बायोटेकनं ही कोरोनावरील लस विकसीत केली आहे. मुळच्या हैदराबाद येथील असणाऱ्या भारत बायोटेक या कंपनीनं कोव्हॅक्सिन COVAXIN ही लस विकसीत करत त्याला मानवी चाचणीसाठी परवानगी मिळाल्याची माहिती दिली. आयसीएमआर आणि National Institute of Virology (NIV) यांचंही या लसीमध्ये योगदान आहे.

दरम्यान, भारत बायोटेकने याआधी देखील पोलिओ, रेबीज, रोटाव्हायरस, जपानी, इनसेफ्लाइटिस, चिकनगुनिया आदी व्हायरसवर लस बनवल्या आहेत. या आधी कंपनीने प्री क्लिनिकल अभ्यासातून मिळवलेला अहवाल सादर केला होता. त्यानुसार डीसीजीआय आणि केंद्रीय आरोग्य मंत्रालयाने लसीच्या फेज १ आणि फेज २ या मानवी चाचणीला परवानगी दिली आहे. भारतात विकसित झालेल्या या लसीमुळे सर्वांनाचा मोठा दिलासा मिळाला आहे.

COVAXIN™, India’s 1st indigenous Covid-19 vaccine, developed by Bharat Biotech successfully enters human trials.

@ICMRDELHI @DBTIndia @icmr_niv #BharatBiotech #COVAXIN #covid19 #Collaboration #Indiafightscorona #makeinindia #ICMR #coronavirusvaccine pic.twitter.com/MSehntuE8d

— BharatBiotech (@BharatBiotech) June 29, 2020

News English Summary: A clinical trial of the vaccine will be conducted in July. Bharat Biotech has developed this vaccine against corona. Bharat Biotech, a Hyderabad-based company, has developed a vaccine called COVAXIN, which has been approved for human testing.

News English Title: Indias first Corona virus Covid 19 vaccine Covaxin gets nod for human trials from July News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.