कर्नाटकमध्ये १४ दिवसांचा लॉकडाऊन नव्हे 'क्लोजडाऊन' | महाराष्ट्रात लादलेले कडक निर्बंधही तसेच कॉपी केले

बंगळुरू, २६ एप्रिल: देशात कोरोनाची दुसरी लाट दिवसेंदिवस घातक होत चालली आहे. देशात सलग दुसऱ्या दिवशी रविवारी 3.5 लाख नवे कोरोना रुग्ण आढळले. सुदैवाने बरे होणाऱ्या रुग्णांची संख्याही मोठी म्हणजे 2.14 लाख असून यासोबतच देशात कोरोनामुक्त होणाऱ्या रुग्णांची संख्या 1.42 कोटी झाली आहे. महाराष्ट्रात रविवारी 66,161 नवे रुग्ण आढळले तर 61,450 बरे झाले. छत्तीसगडमध्ये 12,666 नवे रुग्ण आढळले तर 11,065 कोरोनामुक्त झाले. देशामध्ये ऍक्टिव्ह केस म्हणजे उपचार सुरु असलेल्या रुग्णांच्या संख्या 28 लाखांच्या पुढे गेली आहे. सध्या देशात 28 लाख 7 हजार 333 रुग्णांवर उपचार सुरु आहेत.

दरम्यान, काही राज्यांनी करोनाचा फैलाव रोखण्यासाठी लॉकडाऊनचा निर्णय घेतला आहे. तर काही राज्यांनी कडक निर्बंध लादले आहेत. मात्र महाराष्ट्राने केलेल्या लॉकडाऊन घोषणेप्रमाणे अगदी तसेच कडक निर्बध कर्नाटकाने कॉपी केल्याचं पाहायला मिळतंय. कारण आरोग्य यंत्रणेवरील ताण दूर करण्यासाठी प्रयत्न सुरु आहेत. आता कर्नाटक सरकारनेही लॉकडाऊन लावण्याचा निर्णय घेतला आहे. उद्यापासून (२७ एप्रिल) १४ दिवसांचा लॉकडाऊन राज्यात असणार आहे. उद्या रात्रीपासून निर्बंध लागू होणार आहेत.

Karnataka CM B S Yediyurappa announces “close down” in state for 14 days from Tuesday night to control COVID-19

— Press Trust of India (@PTI_News) April 26, 2021

अत्यावश्यक सेवांना या लॉकडाऊनमधून सूट देण्यात आली आहे. दुकानं सकाळी ६ ते सकाळी १० पर्यंत अर्थात ४ तास सुरु असतील. त्यानंतर दुकानं बंद असतील असं जाहीर करण्यात आलं आहे. त्या व्यतिरिक्त इतर सेवा पूर्णपणे बंद असतील असं सांगण्यात आलं आहे. तर बांधकाम, शेती आणि उत्पादन क्षेत्राला परवानगी असणार आहे. सार्वजनिक वाहतूक बंद असणार आहे. त्याचबरोबर राज्य आणि राज्याबाहेर यात्रा करण्याची परवानगी नसेल. अत्यावश्यक प्रकरणात सूट दिली जाईल असंही स्पष्ट करण्यात आलं आहे. त्याचबरोबर दारुच्या होम डिलिव्हरीलाही मंजुरी देण्यात आली आहे.

News English Summary: States have decided to lockdown to prevent the spread of corona. So some states have imposed strict restrictions. However, as per the lockdown announcement made by Maharashtra, it can be seen that Karnataka has copied it. This is because efforts are being made to reduce the stress on the health system. Now the Karnataka government has also decided to impose a lockdown. There will be a 14-day lockdown in the state from tomorrow (April 27). Restrictions will take effect from tomorrow night.

News English Title: Karnataka government has also decided to impose a lockdown of 14 day news updates.