गुना : भाजपने देशात सत्तेत आल्यावर बेटी बचाओ बेटी पढाओ घोषणा देत मोठी जाहिरातबाजी केली. परंतु त्यांचा खरा चेहरा याआधी देखील समोर आला असताना आता अजून एका प्रकरणाची भर पडली आहे. मध्य प्रदेशातील गुना मतदासंघाचे आमदार गोपीलाल जाटव यांचा नातवावर तरुणीचा विनयभंग केल्याचा आरोप आहे. एका मुलीला तिच्या कुटुंबियांना आमदार गोपीलाल जाटव यांचा नातू विवेक जाटव मागील दीड वर्षांपासून धमकावत असून, प्रचंड त्रास देत असल्याची तक्रार दाखल केली आहे.

त्यात रोज फोनकरून जबरदस्तीने गप्पा मारण्यास सांगतो. तसेच मी इथला राजा असून तू माझं काहीच करू शकत नाही अशी धमकी त्या मुलीला आणि तिच्या कुटुंबियांना मागील अनेक महिने देत आहे. अखेर मागील अनेक वर्ष दहशदीखाली असलेल्या मुलीने आणि तिच्या कुटुंबीयांनी पोलिसात तक्रार दाखल केली आहे. काही दिवसापासून तो तरुणीच्या घरी रोज तलवार घेऊन येतो आणि तिच्या कुटुंबाला धमकावत मुलीच्या तोंडावर ऍसिड फेकण्याची खुलेआम धमकी देत आहे. पोलिसांनी तक्रार करून यात काहीच हालचाल न केल्याने सदर कुटुंब अजूनच धास्तावलं आहे. सीसी टीव्ही कॅमेऱ्यात देखील ती घटना रेकॉर्ड झाली आहे.

बेटी बचाओ बेटी पढाओ हे ढोंग! भाजप आमदाराचा नातू तलवार घेऊन तरुणीच्या घरी