मुंबई, २८ मे | कोरोना काळात योग गुरू रामदेवबाबा यांनी अ‍ॅलोपॅथी व डॉक्टरांवर केलेल्या विधानामुळे त्यांच्याविरोधात आता इंडियन मेडिकल असोसिएशनने गुन्हा दाखल केला आहे. योगगुरु रामदेवबाबा गेल्या अनेक दिवसांपासून चर्चेत आहेत. केंद्रीय आरोग्यमंत्री हर्षवर्धन यांनीही रामदेवबाबा यांना अशी विधानं न करण्याचा सल्ला दिला आहे.

रामदेव बाबा यांच्यावर साथरोग कायदा, १८९७ आणि आपत्ती व्यवस्थापन कायदा,२००५ अंतर्गत गुन्हा दाखल केला आहे. रामदेवबाबांचा एक व्हिडिओ सध्या सोशल मीडियावर चांगलाच व्हायरल होत आहे. या व्हिडिओवरून देखील रामदेवबाबा यांच्यावर टीका होत आहे.

व्हायरल होत असलेल्या व्हिडिओमध्ये ते आपल्या अटकेवर प्रतिक्रिया देतांना म्हणाले, “अटक तर त्यांचा बाप सुद्धा करू शकत नाही.” हा व्हायरल होत असलेला व्हिडिओ कधीचा आहे. याबाबत माहिती मिळाली नाही. मात्र सोशल मीडियावर हा व्हिडिओ ट्विट करुन नेटकऱ्यांनी रामदेवबाबा यांना लक्ष्य केले आहे.

दरम्यान, याच विषयाला अनुसरून राष्ट्रवादी काँग्रेसच्या महिला प्रदेशाध्यक्षा रुपाली चाकणकर यांनी बाबा रामदेव यांच्यावर बोचऱ्या शब्दात टीका केली आहे. यासंदर्भात ट्विट करताना म्हटलं आहे की, “कोणाचा बाप मला अटक करू शकत नाही” हे बाबा रामदेव यांचं म्हणणं अगदी योग्य आहे. ते असे सलवार कुर्ता घालून पळत असताना पुरुष अधिकारी त्यांना अटक करू शकणार नाही, त्यासाठी महिला अधिकारी आवश्यक आहे. म्हणून कोणाचा बाप नाही पण कोणाचीतरी आई रामदेव बाबांना नक्की अटक करेल”.

 

News English Summary: Baba Ramdev’s statement that no one’s father can arrest me is correct. A male officer cannot arrest him while he is running away wearing a salwar kurta, he needs a female officer. So no one’s father but someone’s mother will definitely arrest Baba Ramdev said NCP leader Rupali Chakankar.

News English Title: NCP leader Rupali Chakankar criticized Baba Ramdev over his statement on arrest news updates.

असे सलवार कुर्ता घालून पळताना महिला अधिकारी आवश्यक आहेत, निदान कोणाचीतरी आई त्यांना अटक करेल