देशात गेल्या २४ तासांत १० हजार ९७४ नवीन रुग्णांची नोंद , तर २००३ रुग्णांचा मृत्यू

नवी दिल्ली, १७ जून : देशात कोरोनाबाधितांचा आणि मृतांचा आकडा दिवसेंदिवस वाढताना दिसत आहे. आज सलग चौथ्या दिवशी नवीन रुग्णांचा आकडा हा १० हजारांच्या घरात आहे. गेल्या २४ तासांत १० हजार ९७४ नवीन रुग्णांची नोंद झाली. तर २००३ रुग्णांचा मृत्यू झाला. यासह आता एकूण कोरोनाबाधितांचा आकडा 1 लाख ८६ हजार ९३५ झाला आहे. तर एकूण मृतांचा आकडा ११ हजार ९०३ झाला आहे. यासह भारताचा मृत्यूदर २.९% वरून ३.४ झाला आहे.

देशात कोरोनाव्हायरसमुळे पहिला मृत्यू झाल्यानंतर १०० दिवसांच्या आतच १० हजारहून अधिक रुग्णांचा मृत्यू झाला आहे. देशात पहिल्या कोरोना रुग्णाचा मृत्यू १२ मार्चला झाला होता. देशात कोरोनाचा कहर सुरू असताना केंद्राने आता कोरोना चाचणीची क्षमता वाढवली आहे. केंद्रीय आरोग्य विभागाने दिलेल्या माहितीनुसार, आता दर दिवशी ३ लाख लोकांच्या चाचण्या करता येणार आहेत.

रेड झोन आणि हॉटस्पॉटमध्ये राहणाऱ्या लोकांची चाचणी कऱणं आता अधिक सोपं होणार आहे. लक्षण असणाऱ्यांसोबतच लक्षण नसलेल्या लोकांचीही चाचणी करण्याचा प्रस्ताव आहे. देशभरात कोरोनाची रुग्णसंख्या झपाट्याने वाढत आहे. येत्या काळात ही संख्या आणखी वाढण्याची शक्यता व्यक्त केली जात आहे. त्यामुळे उपचारासाठीची सर्व उपकरणे अधिक संख्येने उपलब्ध असणं गरजेचं आहे.

News English Summary: The number of corona viruses and deaths in the country is increasing day by day. Today, for the fourth day in a row, the number of new patients is around 10,000. 10 thousand 974 new patients were registered in last 24 hours. In 2003, patients died.

News English Title: New patients increased and 2003 patients died in last 24 Hours New Latest Updates.