नवी दिल्ली : राष्ट्रीय तपास यंत्रणेने सुरक्षे संदर्भातील मोठी माहिती सार्वजनिक केली आहे. युपी आणि दिल्लीत मोठ्या प्रमाणावर छापेमारी करण्यात आली. एनआयए’च्या ताब्यात असलेले दहशदवाद्यांच्या चौकशीदरम्यान त्यांच्या योजना उघड झाल्या होत्या. देशात विविध ठिकाणी साखळी बॉम्बस्फोट घडवून आणण्याची दहशदवाद्यांची योजना होती. देशातील विविध पक्षातील नेते मंडळी तसेच प्रतिष्ठित व्यक्ती त्यांच्या केंद्रस्थानी होत्या अशी माहिती देण्यात आली.

दिल्ली आणि यूपीत आज देिवसभर तब्बल १७ ठिकाणी मोठी छापेमारी करून एकूण १६ संशयितांना ताब्यात घेण्यात आले आहे. त्यांच्याकडून १०० मोबाईल, १३५ सिम कार्ड आणि सात लाख रोख रक्कम जप्त करण्यात आली आहे. पकडण्यात आलेले सर्व आरोपी २० ते ३० वयोगटातील असून मुफ्ती सोहेल हा या ग्रुपचा प्रमुख असल्याचं एनआयएने पत्रकार परिषदेत सांगितले. या सर्व अटक करण्यात आलेल्या दहशतवाद्यांनी बॉंब बनवण्याची प्रक्रिया देखील आत्मसात केली होती.

NIA arrested 16 suspected terrorist from uttar pradesh and delhi