आजम खान माफी मागा अन्यथा कारवाईला सामोरे जा: लोकसभा अध्यक्ष

गुरुवारी सपा खासदार आजम खान यांनी केलेल्या वादग्रस्त विधानांनंतर आज लोकसभेत गदारोळ सुरू होता. आजम खान यांनी माफी मागावी. तसंच त्यांना निलंबित करावं, अशी मागणी भाजपने केली आहे. यावर लोकसभा अध्यक्ष ओम बिर्ला यांनी या प्रकरणावर सर्व पक्षांसोबत बैठक घेऊन त्यानंतर निर्णय घेतला जाईल, असं सांगितलं आहे.

गुरुवारी आजम खान यांनी लोकसभेत बोलताना सुरुवातीला एक शेर सादर केला होता. प्यारी बहेना तु कितनी बात करती है। तु इधर-उधर की ना बात कर, असं आजम खान यांनी म्हटलं होतं. त्यावेळी अध्यक्षांच्या खुर्चीवर भाजप खासदार रमा देवी बसल्या होत्या.

लोकसभेमध्ये तीन तलाकवर चर्चा करत असताना समाजवादी पार्टीचे खासदार सादर आजम खान यांनी भाजप खासदार रमा देवी यांच्यावर आपत्तीजनक टिपणी केली होती. यावर आजम खान यांनी माफी मागावी अन्यथा कारवाईला सामोरं जा, अशी ताकीद लोकसभा अध्यक्ष ओम बिर्ला यांनी दिली आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.