नवी दिल्ली, १८ जुलै : देशात दिवसेंदिवस कोरोना रुग्णांच्या संख्येत सर्वाधिक वाढ होत असून गेल्या २४ तासांत ३४ हजार ८८४ नव्या रुग्णांची नोंद झाली आहे. आजच्या दिवसातील हा सर्वाधिक आकडा मानला जात आहे. नियमित मोठ्या संख्येने रुग्ण सापडत असल्याने देशभरात आता चिंता व्यक्त केली जात आहे. या नव्या रुग्णसंख्येमुळे देशात सध्या १० लाख ३८ हजार ७१६ एकूण बाधितांचा आकडा पोहोचला आहे.

सध्या देशात ३ लाख ५८ हजार ६९२ रुग्णांवर उपचार असून ६ लाख ५३ हजार ७५१ रुग्णंनी कोरोनावर मात केली आहे. तर, २६ हजार २७३ रुग्णांचा कोरोनामुळे दुर्दैवी मृत्यू झाला आहे.

देशातील एकूण करोनाबाधित रुग्णांची संख्या दहा लाख ३८ हजार ७१६ वर पोहचली आहे. मागील २० दिवसांमध्ये तब्बल पाच लाख रुग्णांची वाढ झाली आहे. देशात २९ फेब्रुवारीला पहिला रुग्ण आढळल्यानंतर रुग्णसंख्या पाच लाखांवर जाण्यासाठी चार महिन्यांचा कालावधी लागला. २६ जूनला पाच लाख असलेली बाधितांची संख्या शुक्रवारी १० लाखांच्या पुढे गेली. म्हणजेच देशात अवघ्या २० दिवसांत दुप्पट रुग्णवाढ झाली. देशात आतापर्यंत करोनामुळे २६ हजार २७३ जणांचा मृत्यू झाला आहे तर अद्याप तीन लाख ५८ हजार ६९२ जणांवर उपचार सुरू आहेत.

 

News English Summary: The number of corona patients is increasing day by day in the country and 34 thousand 884 new patients have been registered in the last 24 hours. This is considered to be the highest number today.

News English Title: Spike Of 34884 Cases And 671 Deaths Reported In India In The Last 24 Hours News Latest Updates.

चिंताजनक! देशात गेल्या २४ तासांत ३४ हजार ८८४ नव्या रुग्णांची नोंद