20 June 2021 10:13 PM
अँप डाउनलोड

CAA: जाफराबादमध्ये आंदोलनाला हिंसक वळण, गोळी लागून कॉन्स्टेबलचा मृत्यू

Delhi Maujpur Area, CAA, NRC

नवी दिल्ली: दिल्लीतील जाफराबादमध्ये सीएएविरोधात आंदोलन सुरु आहे. सोमवारी या आंदोलनाने हिंसक वळण घेतले. आंदोलकांनी अनेक गाड्यांना आग लावली. यादरम्यान गोळी लागल्याने एका पोलिस कॉन्स्टेबलचा मृत्यू झाल्याचे वृत्त आहे. रतनलाल असे मृत्यू झालेल्या कॉन्स्टेबलचे नाव आहे. ते गोकूळपूर एसीपी कार्यालयात तैनात होते. कोणाच्या गोळीमुळे रतनलाल यांचा मृत्यू झाला हे अद्याप समजू शकलेले नाही.

BhagyaVivah Marathi Matrimonial

घटनास्थळीची परिस्थिती नियंत्रणात आणण्यासाठी पोलिसांनी सुरूवातीस अश्रुधाराचा नळकांड्या देखील फोडल्या. यावेळी आंदोलकांकडून गोळीबार देखील करण्यात आल्याची माहिती समोर आली आहे. दरम्यान, परिसरातील तीन वाहनं देखील पेटवून देण्यात आली आहेत. शिवाय, समाजकंटकांडून काही दुकानं जाळण्याचा देखील प्रयत्न करण्यात आला असल्याची माहिती पोलिसांकडून मिळाली आहे.

सीएएचे समर्थक आणि विरोधक यांच्यात सुरू असलेल्या संघर्षामुळे दिल्ली मेट्रोने (डीएमआरसी) मौजपूर आणि बाबरपूर मेट्रो स्थानके बंद केली आहेत. जाफराबाद आंदोलनाच्या निषेधार्थ आणि सीएएच्या समर्थनार्थ ते रस्त्यावर उतरलेत. आम्ही दिल्लीत आणखी एक शाहीन बाग उभारू देणार नाही असं भाजपा नेते कपिल मिश्रा यांनी म्हटलं होतं. तसेच कपिल मिश्रा यांनी व्हिडिओ ट्विट करुन म्हटलंय की,”दुसरी शाहिन बाग दिल्लीत होऊ देणार नाही. तसेच लोकांना सीएएच्या समर्थनार्थ रस्त्यावर उतरण्याचे आवाहन केले आहे. मौजपूर चौकात दोन्ही बाजूची वाहतूक थांबवण्यात आली आहे. लोकांना वाहतूक कोंडीचा सामना करावा लागत आहे.

 

 

News English Summery: Due to the ongoing conflict between CAA supporters and opponents, Delhi Metro (DMRC) has closed the Mojpur and Babarpur metro stations. He took to the streets to protest the Jafarabad movement and in support of the CAA. BJP leader Kapil Mishra had said that we will not allow another tropical garden in Delhi. Also, Kapil Mishra tweeted the video saying, “Another Shaheen Bagh will not be allowed in Delhi.”

 

Web Title: Story caa NRC clash broke out between two groups in Delhi Maujpur Area.

हॅशटॅग्स

#india(203)

संबंधित बातम्या

राहुन गेलेल्या बातम्या

x