मुंबई: अंडरवर्ल्ड डॉन रवी पुजारीला पुन्हा एकदा आफ्रिका खंडातील सेनेगल या देशात अटक करण्यात आल्याचे विश्वसनीय वृत्त आहे. स्थानिक यंत्रणांच्या मदतीने रॉ या भारतीय गुप्तचर संस्थेचे अधिकारी व कर्नाटक पोलिसांच्या पथकाने संयुक्तपणे केलेल्या कारवाईत रवी पुजारीला बेड्या ठोकण्यात आल्या आहेत. दरम्यान, पुजारीच्या प्रत्यार्पणाची प्रक्रिया सध्या पूर्ण केली जात असून आज संध्याकाळी किंवा उशिरा रात्री त्याला घेऊन पोलीस भारतात परततील, अशी शक्यता आहे.
दरम्यान, ९० च्या दशकातील कुख्यात गँगस्टर रवी पुजारीला आफ्रिका खंडातील सेनेगल या देशामध्ये अटक झाली असून, त्याला भारतात आणण्याची प्रकिया सुरु आहे. त्यासाठी कर्नाटक पोलिसांची विशेष टीम आणि ‘रॉ’ चे पथक सेनेगलमध्ये तळ ठोकून आहे.
रवी पुजारी सेनेगलमध्ये अँटोनी फर्नांडीस या नावाच्या पासपोर्टवर सेनेगलमध्ये राहत होता. हा पासपोर्ट १० जुलै २०१३ देण्यात आला होता. याची मुदत ८ जुलै २०२३ पर्यंत आहे. पासपोर्टनुसार तो एक व्यावसायिक एजंट आहे. याचा अर्थ असा की तो एक व्यापारी म्हणून ओळखला जात होता. सेनेगल, बुर्किना फासो आणि त्याच्या आसपासच्या देशांमध्ये ‘नमस्ते इंडिया’ नावाच्या रेस्टॉरंट्सची साखळी चालवित असल्याचे भासविले जात होते.
Web Title: Story underworld don Ravi Pujari arrested.
