सुशांत सिंह राजपूत आत्महत्या प्रकरणी CBI चौकशीला सुप्रीम कोर्टाचा नकार, याचिका फेटाळली

नवी दिल्ली, ३० जुलै : बॉलिवूड अभिनेता सुशांत सिंहच्या आत्महत्येची सीबीआय चौकशी करण्याची मागणी सर्वोच्च न्यायालयाने फेटाळली आहे. १४ जून रोजी सुशांत सिंहने वांद्रे येथील आपल्या राहत्या घरी गळफास लावून घेत आत्महत्या केली होती. सुशांत सिंहने टोकाचं पाऊल उचलण्यामागे नेमकं काय कारण होतं याचा मुंबई पोलीस तपास करत आहे. याप्रकरणी बॉलिवूडमधील अनेक सेलिब्रेटींची चौकशी करण्यात आली आहे. दरम्यान वारंवार याप्रकरणी सीबीआय चौकशीची मागणी केली जात आहे. मात्र सुप्रीम कोर्टाने न्यायालयात दाखल याचिकेवर सुनावणी करण्यास नकार देत याचिका फेटाळली आहे.

Supreme Court refuses to entertain a PIL seeking Central Bureau of Investigation probe into Bollywood actor #SushantSinghRajput‘s death case. pic.twitter.com/HpINTj8rsU

— ANI (@ANI) July 30, 2020

सध्या पोलीस सुशांत सिंह राजपूतच्या आत्महत्या प्रकरणाचा तपास करत आहेत. त्यांना त्यांचं काम करू द्या, असं सुप्रीम कोर्टाने अलका प्रिया यांच्या याचिकेवर भाष्य करताना म्हटलं. या प्रकरणाशी अलका यांचा थेट असा कोणताही संबंध नाही. त्यांनी या प्रकरणी मुंबई उच्च न्यायालयात जावं, अशी सूचना न्यायालयानं केली. त्यामुळे सध्याच्या घडीला तरी या प्रकरणाचा तपास मुंबई पोलिसांकडेच राहणार असल्याचं स्पष्ट झालं आहे.

Chief Justice of India SA Bobde led bench dismisses a PIL to transfer Sushant Singh Rajput’s suicide case to CBI#SupremeCourt #CBIForSushantSinghRajput

— Bar & Bench (@barandbench) July 30, 2020

“सुशांतच्या मृत्यू प्रकरणाची चौकशी मुंबई पोलीसच करतील. मुंबई पोलीस योग्य प्रकारे चौकशी करत आहेत. त्यामुळे या केसला सीबीआयकडे सोपवण्याची गरज नाही,” असं म्हणत अनिल देशमुख यांनी सीबीआय चौकशीची मागणी फेटाळून लावली.

News English Summary: Mumbai Police is investigating. Many celebrities in Bollywood have been questioned in this regard. Meanwhile, a CBI inquiry has been repeatedly demanded in the case. However, the apex court rejected the plea, refusing to hear the petition.

News English Title: Sushant Singh Rajput suicide case Supreme Court Dismisses PIL Demanding CBI Investigation News Latest Updates.