मंदिरात आली मगर | पण नशीब शाकाहारी होती ती

कासरगोड, २४ ऑक्टोबर : उत्तर केरळमधील कासरगोड इथल्या श्री अनंतपुरा मंदिराच्या परिसरात दिसून आलेली एक महाकाय मगर हा सध्या सोशल मीडियावर चर्चेचा विषय झाला आहे. या मगरीचे नाव ‘बाबिया’ (Babiya crocodile) असल्याचे सांगितले जात आहे आणि ही मगर अनेक वर्षांपासून मंदिराच्या परिसरातील तलावात राहात आहे. याशिवाय सर्वात आश्चर्यकारक गोष्ट अशी की मगर शाकाहारी असल्याचे सांगितले आहे. असेही सांगितले जात आहे की, वर्षानुवर्षे मंदिराच्या तलावात राहात असूनही ती पहिल्यांदाच मंदिरात आली. पण ती कशी मंदिरात आली याबद्दल काहीही माहिती नाही.

उत्तर केरळमधील कासरगोड इथल्या श्री अनंतपुरा मंदिराच्या परिसरात दिसून आलेली एक महाकाय मगर हा सध्या सोशल मीडियावर चर्चेचा विषय झाला आहे. या मगरीचे नाव ‘बाबिया’ (Babiya crocodile) असल्याचे सांगितले जात आहे. pic.twitter.com/V2mhZ250eQ

— महाराष्ट्रनामा न्यूज (@MahaNewsConnect) October 24, 2020

या मगरीबद्दल असे मानण्यात येत आहे की, ती गेल्या ७० वर्षांपासून या मंदिराच्या परिसरातील तलावात राहात आहे पण आत्तापर्यंत तिने एकदाही हिंसक व्यवहार केलेला नाही. या तलावात पुरेशा प्रमाणात मासेही आहेत, पण या मगरीने आपल्या खाद्यासाठी कधीही त्यांच्यावर हल्ला केलेला नाही. बाबिया मगर आपल्या अन्नासाठी मंदिरातील प्रसादावर अवलंबून आहे जो तिला पूजेनंतर दिला जातो.

असे सांगितले जात आहे की, पुजारी या मगरीला दिवसातून दोन वेळा खायला घालतात. अनेकदा ते स्वतः तिच्या तोंडात भात घालतात. म्हटले जात आहे की या पुजाऱ्यांनी बोलावल्यानंतर ती तलावातून बाहेर येते. या दोघांमध्ये चांगलीच मैत्री आहे. ‘शाकाहारी’ मगरीची ही कहाणी सोशल मीडियावर व्हायरल होताना दिसत आहे.

News English Summary: A giant crocodile entered the premises of Sri Ananthapura temple in north Kerala’s Kasaragod on Tuesday. The surprise visitor is a ‘vegetarian’ croc named ‘Babiya’ who has been living in the temple’s pond for years. Priests said that this was Babiya’s first entry into the temple. Photos of Babiya inside the temple’s premises are being widely circulated on social media.

News English Title: Vegetarian crocodile reaches temple in Kerala photographs amaze people News Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.