राफेल डील: ना पंतप्रधान, ना संरक्षणमंत्री तर अर्थमंत्री उत्तर का देतात? - खासदार सौगत राय

नवी दिल्ली : तृणमूल काँग्रेसचे खासदार सौगत राय यांनी राफेल करारावरून नरेंद्र मोदींच्या मंत्रिमंडळावर बोचरी टीका केली आहे. भारतीय जनता पक्षाला राफेल लढाऊ विमानांच्या करारावर बोलण्यासाठी राज्यसभेचा सदस्य सापडला. भाजपचे लोकसभेत ३०० खासदार असूनही राज्यसभेतला माणूस इथे येऊन नरेंद्र मोदी सरकारची बाजू मांडत आहे. विशेष म्हणजे राज्यसभेचे सदस्य असलेले अरुण जेटली हे संरक्षण मंत्री सुद्धा नाहीत. तरी पण ते स्वतःला राफेल लढाऊ विमानांच्या करारातील तज्ज्ञ समजतात.

आमच्या पक्षाला जेटलींसारखं केवळ ‘तूतू-मैं मैं’ मध्ये अडकण्याचा काहीच रस नाही. खरं तर नरेंद्र मोदी हे रामायण काळातील मेघनाद आहेत. त्यामुळेच ते अर्थमंत्री अरुण जेटलींच्या पाठीमागे लपत आहेत. त्यामुळे आधी नरेंद्र मोदींनी संसदेचा सामना करण्याची हिंमत दाखवावी आणि जेपीसी गठीत करून संरक्षणासाठी महत्त्वपूर्ण असलेल्या राफेल कराराची चौकशी केली पाहिजे असं सौगत राय म्हणाले.

दरम्यान, मोदी सरकारनं या करारात विमानांच्या किमती का वाढवल्या ते सभागृहाच्या समोर आलं पाहिजे. तसेच राफेल लढाऊ करारासाठी HAL ऐवजी एका खासगी कंपनीला ऑफसेट भागीदार का बनवण्यात आलं, याचं सुद्धा भारतीय जनता पक्षाने उत्तर द्यावं, असं खासदार सौगत म्हणाले आहेत.

Saugata Roy TMC decides to haul Arun Jaitley for wrongly quoting Ian Fleming and wrong pronunciation of the French President’s name ‘Hollande’. And before he can get to talking about #Rafale there is pandemonium again. #LokSabha pic.twitter.com/5NiqFd2bnF

— Smita Prakash (@smitaprakash) January 2, 2019