युक्रेनचे प्रवासी विमान चुकून पाडल्याची इराणी सैन्याची कबुली

तेहरान: युक्रेनचं प्रवासी विमान क्षेपणास्त्र हल्ल्यात पाडल्याची कबुली इराणने दिली आहे. इराणच्या लष्कराने ही मानवी चूक असल्याचं म्हटलंय. इराणच्या हल्ल्यात विमानातील १७६ प्रवाशांचा मृत्यू झाला होता. ‘युक्रेनच्या विमानाचा तेहरानजवळील अपघात क्षेपणास्त्राच्या माऱ्यामुळे झाला नव्हता, याबाबत आम्हाला पूर्ण विश्वास आहे,’ असा दावा इराणचे नागरी हवाई उड्डाणप्रमुख अली आबेदजाहेद यांनी शुक्रवारी केला होता.

Iran state TV, citing military, says country ‘unintentionally’ shot down Ukrainian jetliner because of human error: The Associated Press pic.twitter.com/HhPUZemVgD

— ANI (@ANI) January 11, 2020

हे विमान मानवी चुक होती. हे विमान क्षेपणास्त्र हल्ल्यात चुकून पाडलं, अशी कबुली इराणी लष्करानं दिली आहे. इराणच्या सरकारी माध्यमानं यासंदर्भातील वृत्त दिलं आहे. युक्रेनचे जे विमान बुधवारी अपघातग्रस्त झाले ते प्रत्यक्षात इराणने पाडल्याची गुप्तचर माहिती हाती आली असल्याचे कॅनडाचे पंतप्रधान जस्टीन थ्रुडू यांनी सांगितलं होतं. हे विमान तेहरान येथील विमानतळावरून उडाल्यानंतर कोसळलं होतं. या अपघातात १७६ जण ठार झाले, त्यात कॅनडाच्या ६३ नागरिकांचा समावेश होता.

हे विमान बुधवारी तेहरान येथील खोमेनी आंतरराष्ट्रीय विमानतळावरून युक्रेनची राजधानी किव्हला जाण्यासाठी सकाळी ६.१० मिनिटांनी निघाले होते. विमानतळाच्या वायव्य दिशेला ४५ किलोमीटरवर शहरीयार परगण्यातील खलाज अबाद येथे ते शेतात कोसळले. उड्डाणानंतर काही मिनिटांतच ते रडारवरून अदृश्य झाले होते. या दुर्घटनेत १७६ जाणांचा मृत्यू झाला होता. मृतांमध्ये ८२ इराणी, ६३ कॅनडाचे, ११ युक्रेन, १० स्वीडन, ४ अफगाणिस्तानचे, जर्मन व ब्रिटनचे प्रत्येकी ३ नागरिक होते.

Web Title:  Iranian Military confirmed they unintentionally shot down Ukrainian aircraft as per local News report.