कोरोना व्हायरस 'जागतिक साथीचा रोग' असल्याचं जागतिक आरोग्य संघटनेकडून घोषित

मुंबई, १२ मार्च : जागतिक आरोग्य संघटनेकडून कोरोना व्हायरसला जागतिक साथ म्हणून घोषित करण्यात आला आहे. जगातील ११४ देशांमधील १ लाख १८ हजार लोकांना सध्या कोरोनाची लागण झाली आहे. त्यापैकी ४ हजार २९१ लोकांचा आतापर्यंत कोरोनामुळं बळी गेला आहे. या पार्श्वभूमीवर पॅन्डेमिक अर्थात ‘जागतिक साथीचा रोग’ म्हणून कोरोना जाहीर करण्यात आला आहे. जागतिक आरोग्य संघटनेचे महासंचालक टेड्रोस घेब्रेयेसस यांनी ही घोषणा केली आहे.

Director-General of the World Health Organization (WHO): We have made the assessment that #COVID19 can be characterized as a pandemic https://t.co/Sp19gLdORQ

— ANI (@ANI) March 11, 2020

दरम्यान, भारतातील कोरोना रुग्णांची संख्या वाढून ६७ वर पोहोचली आहे. राज्यात पुणे, मुंबई आणि नागपूरमध्ये कोरोनाचे रुग्ण आढळले असून त्यांची संख्या ११ वर पोहोचली आहे. या व्यतिरिक्त दिल्ली, केरळ, राजस्थान, उत्तरप्रदेशमध्येही कोरोनाचे रुग्ण आढळून आले आहेत. जगभरात १ लाख १८ हजारांहून अधिक लोकांना या विषाणूची बाधा झाली आहे तर ४ लाख २०० हून अधिक लोक मृत्यूमुखी पडले आहे. चीनमधील वुहान हे प्रांत कोरोनाचं केंद्रबिंदू आहे. डिसेंबरपासून कोरोनानं जगभरात थैमान घातलं आहे.

एखाद्या विशिष्ट भागात आजाराचा फैलाव असल्यास त्याला मर्यादित साथ (एन्डेमिक) म्हटले जाते. ‘या विषाणूचा चिंताजनक फैलाव आणि त्या विरोधातील अगतिकता यामुळे आम्ही तीव्र चिंतीत आहोत. त्यामुळे कोव्हिड १९ हा जागतिक साथरोग असल्याचे मूल्यमापन आम्ही केले आहे,’ असे जागतिक आरोग्य संघटनेचे महासंचालक टेड्रोस गेब्रेएसस यांनी जीनिव्हा येथे सांगितले. ‘कोव्हिड १९’ ची सुरुवात चीनमधून झाली असली, तरी सध्या अंटार्क्टिका वगळता इतर सर्व खंडांमध्ये त्याचा फैलाव झाला आहे.

News English Summery: The Corona virus has been declared a World Health Organization by the World Health Organization. Cornea is currently infected with 1 million 18,000 people from 114 countries around the world. Out of these, 4,291 people have been killed due to coronas so far. Against this backdrop, Corona has been proclaimed as a pandemic, a “global epidemic.” The announcement was made by Tedros Ghebreyesus, director general of the World Health Organization. Against this backdrop, all foreign tourists coming to India have been blocked access. The government has suspended all tourist visas till April 15. This excludes only diplomatic visas, UN visas and other official visas. Foreign nationals have been granted entry to India till April 15 and no decision has been made on the IPL yet.

Web News Title: Story Corona Virus Covid 19 is now officially a pandemic World Health Organisation says.