उपासमारीमुळे जगभर १३.५० ते २५ कोटी लोक उपाशीपोटीच मरण्याची शक्यता - WFP प्रमुख

वॉशिंग्टन , २२ एप्रिल: कोरोना व्हायरसने जगभरात थैमान पसरलं आहे. कोरोनामुळे जगभरात जवळपास १ लाख ७० हजारांहून अनेक मृत्यू झाले आहेत. जगभरात कोरोनाग्रस्तांची संख्या २४ लाख ८३ हजार ८६ इतकी झाली आहे. ही संख्या वाढण्याचीही शक्यता आहे. एएफपीने ही आकडेवारी राष्ट्रीय अधिकारी आणि जागतिक आरोग्य संघटनेकडून मिळालेल्या माहितीनुसार देण्यात आली आहे.

कोरोना व्हायरसमुळे मोठमोठे देश अर्थाइक संकटात सापडले आहेत. जगभरात बेरोजगारीची मोठी लाठ येण्याची शक्यता तज्ज्ञांनी व्यक्त केली असून अनेक देशांमध्ये त्यामुळे गुन्हेगारीत वाढ होण्याची शक्यता याआधीच वर्तविण्यात आली आहे. मात्र विषय एवढ्यावरच थांबणार नसून संपूर्ण जगाचे अर्थचक्र थांबल्याने इतर अनेक संकटं डोकं वर काढणार असल्याची माहिती समोर आली आहे.

जगातील अनेक देशांमध्ये अन्नपाण्याची प्रचंड टंचाई भासणार आहे. यामुळे अख्ख्या जगासमोर उपासमारीचे मोठे संकट उभे राहण्याची शक्यता आहे. याचबरोबर मोठ्या दुष्काळाचाही सामना करावा लागणार आहे. हा इशारा संयुक्त राष्ट्राच्या जागतिक खाद्य योजनेच्या (WFP) प्रमुखांनी दिला आहे. WFP चे प्रमुख डेविड बेस्ले यांनी सांगितले की, कोरोना व्हायरसमुळे १३.५० ते २५ कोटी लोक उपाशीपोटीच मरण्याची शक्यता आहे. जगाला उद्धवस्त होण्य़ापासून वाचविण्यासाठी सर्व देशांना एकत्र येऊन काम करण्याची आवश्यकता आहे.

As I just explained to the @UN Security Council, we’re on the verge of a hunger pandemic caused by the #coronavirus. If we don’t act NOW, we could be facing MULTIPLE famines of biblical proportions within a few short months.

Read my statement below.

— David Beasley (@WFPChief) April 21, 2020

भूकबळींचा धोका येमेन, कांगो, अफगाणिस्तान, व्हेनेझुएला, इथिओपिया, दक्षिण सुदान, सिरिया, नायजेरिया या देशांना अधिक असणार आहे. हे देश युद्ध, आर्थिक संकट आणि जलवायू परिवर्तनासारख्या संकटांना तोंड देत आहेत. डेविड बेस्ले यांनी हा इशारा संयुक्त राष्ट्राच्या सुरक्षा परिषदेमध्ये दिला आहे. व्हिडीओ कॉन्फरन्सिंगद्वारे ते बोलत होते.

News English Summary: In many countries of the world, there will be severe food shortages. This is likely to cause a major hunger strike in front of the whole world. It will also face a major drought. The warning was issued by the head of the United Nations World Food Program (WFP). WFP chief David Beasley said the corona virus could starve between 13.50 million and 25 million people. All nations need to work together to save the world from collapse.

News English Title: Story verge hunger pandemic caused corona virus united nations warning Covid19 News latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.