Aakash Educational Services IPO | जगातील सर्वात मोठी एज्युटेक स्टार्टअप कंपनी ‘बायज्यूस’ आपली उपकंपनी ‘आकाश एज्युकेशनल सर्व्हिसेस’ चा IPO लाँच करण्याआधी 250 दशलक्ष डॉलर्स भांडवल उभारणी करणार आहे. आणि त्यासाठी कंपनीने कनवर्टिबल नोट्स जारी करण्याची योजना आखली आहे. हे नोट्स खरेदी करणार्‍या गुंतवणूकदारांना कंपनी IPO जाहीर केल्यानंतर त्यांच्या कनवर्टिबल नोट्सच्या बदल्यात शेअर्स वाटप करेल. आणि त्यासाठी त्यांना शेअर्सच्या लिस्टिंग किंमतीवर 20 टक्के सूट दिली जाईल. एका दिग्गज मीडिया हाऊसच्या बातमीनुसार ‘बायज्यूस’ कंपनीचे काही विद्यमान गुंतवणूकदार मोठ्या प्रमाणात कनवर्टिबल नोट्स खरेदी करू शकतात. मात्र, त्यांनी ही माहिती सार्वजनिक केलेली नाही.
त्याचा उद्देश काय? :
‘आकाश एज्युकेशनल सर्व्हिसेस’ कंपनीच्या प्री-IPO फेरीमुळे कंपनीला आर्थिक तरलतेच्या संकटावर मात करता येईल. कारण कंपनीला काही प्रक्रियांमध्ये विलंब झाल्यामुळे निधी उभारण्यात अडचण येत आहे. बेंगळुरू स्थित ‘बायज्यूस’ कंपनीने ‘आकाश एज्युकेशनल सर्व्हिसेस’ कंपनीच्या आयपीओसाठी व्यवस्थाकांची निवड करण्यासाठी विविध बँकर्सशी चर्चा सुरू केली होती. पुढील काळात या कंपनीचा IPO देखील गुंतवणुकीसाठी खुला होईल.
‘बायज्यूस’ कंपनीच्या प्रतिनिधीने प्रि आयपीओ फंडींग राऊंडबाबत प्रतिक्रिया देण्यास नकार दिला आहे. ‘बायज्यूस’ कंपनीने 2021 मध्ये सुमारे 950 दशलक्ष डॉलर्समध्ये तीन ‘आकाश एज्युकेशनल सर्व्हिसेस’ कंपनी खरेदी केली होती. आयआयटीच्या प्रवेश परीक्षेची कोचिंग देणाऱ्या मुख्य संस्थांमध्ये ‘आकाश एज्युकेशनल सर्व्हिसेस’ या कंपनीचे नाव आघाडीवर आहे. ‘बायज्यूस’ कंपनीचे संस्थापक ‘बायजू रवींद्रन’ आपल्या कंपनीमध्ये मोठा बदल पाहत आहेत. यावर्षी ते कंपनीला प्रॉफिट मेकिंग बनवण्याचा प्रयत्न करत आहेत. रवींद्रन यांचे वडील एक शिक्षणतज्ज्ञ होते.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
