EPFO Passbook | तुमच्या पगारातून EPF चे पैसे कापले जातात का, 15 फेब्रुवारीपर्यंत हे काम पूर्ण करा, अन्यथा नुकसान अटळ

EPFO Passbook | ईपीएफओशी संलग्न खासगी क्षेत्रातील नवीन कर्मचाऱ्यांसाठी युनिव्हर्सल अकाउंट नंबर (यूएएन) सक्रिय करण्याची मुदत पुन्हा एकदा वाढविण्यात आली आहे. कर्मचाऱ्यांनी कोणत्याही परिस्थितीत 15 फेब्रुवारीपर्यंत आपले यूएएन आणि बँक खाते आधारशी लिंक करणे आवश्यक आहे. यापूर्वी ही मुदत अनेकवेळा वाढविण्यात आली आहे. यापूर्वी अंतिम तारीख 15 जानेवारी होती.

यूएएन नंबर ऍक्टिव्हेट करणे अत्यंत गरजेचे
ईपीएफओ सदस्यांनी युनिव्हर्सल अकाउंट नंबर (यूएएन) ऍक्टिव्हेट करणे अत्यंत गरजेचे आहे. हा एक युनिक 12 अंकी स्थायी क्रमांक आहे जो कर्मचाऱ्याच्या पीएफ खात्याशी जोडलेला असतो आणि त्यांनी कितीही नोकऱ्या बदलल्या तरी आयुष्यभर समान राहतात. कर्मचाऱ्याचे यूएएन ऍक्टिव्हेट झाल्यानंतर ते ईपीएफओच्या ऑनलाइन सेवांचा सहज लाभ घेऊ शकतात.

अन्यथा ही कामं ऑनलाईन करता येणार नाहीत
यामध्ये ईपीएफ खाते मॅनेज करणे, पासबुक पाहणे आणि डाउनलोड करणे, पैसे काढणे, ऍडव्हान्स किंवा हस्तांतरणासाठी ऑनलाइन अर्ज करणे समाविष्ट आहे. ते त्यांची वैयक्तिक माहिती अद्ययावत करू शकतात आणि त्यांच्या दाव्यांची स्थिती त्वरित तपासू शकतात.

ईपीएफओ योजनेतून लाभ मिळणार
यूएएन सक्रिय झाल्याने कर्मचाऱ्यांना एम्प्लॉयमेंट लिंक्ड इन्सेंटिव (ईएलआय) योजनेचा लाभ घेता येणार आहे. खाजगी क्षेत्रातील कर्मचाऱ्यांची संख्या वाढविण्यासाठी नियोक्ता आणि नवीन कर्मचाऱ्यांना आर्थिक प्रोत्साहन देण्याच्या उद्देशाने हा एक सरकारी कार्यक्रम आहे. सध्या चालू आर्थिक वर्षात रुजू झालेल्या कर्मचाऱ्यांचीच माहिती अद्ययावत केली जात आहे. पुढील टप्प्यात विद्यमान कर्मचाऱ्यांनाही आपला तपशील अद्ययावत करावा लागणार आहे.

असे ऍक्टिव्ह करा
* ईपीएफओच्या अधिकृत संकेतस्थळाला (https://unifiedportal-mem.epfindia.gov.in) भेट द्या.
* येथे ऍक्टिव्ह यूएएन पर्यायावर क्लिक करा.
* तुमचा यूएएन, ईपीएफमध्ये रजिस्टर्ड मोबाइल नंबर आणि जन्मतारीख टाका.
* स्क्रीनवर प्रदर्शित होणारा कॅप्चा कोड भरा आणि गेट ऑथोरायझेशन पिनवर क्लिक करा.
* तुमच्या मोबाईल नंबरवर एक ओटीपी पाठवला जाईल. त्यात इंटर करा. पडताळणीनंतर यूएएन ऍक्टिव्हेट होईल.
* ईपीएफओ सदस्यांना युजर आयडी आणि पासवर्डही मिळेल.

Latest Marathi News | EPFO Passbook Monday 10 February 2025 Marathi News.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.