SBI FD Interest Rates | जेव्हा जेव्हा पैसे गुंतवण्याची वेळ येते तेव्हा बहुतेक लोक मुदत ठेवींमध्ये पैसे ठेवण्याचा विचार करतात. कारण मुदत ठेवींमध्ये गुंतवणूक करताना पैसे गमावण्याची भीती नसते. शिवाय मुदत ठेवींवरील परतावाही निश्चित असतो. म्हणूनच बहुतांश गुंतवणूकदार आपले पैसे मुदत ठेवींमध्ये गुंतवणे पसंत करतात.
मुदत ठेवींचे व्याजदर बँकांनुसार वेगवेगळे असतात. अशावेळी तुम्ही तुमचे पैसे सर्वाधिक व्याज दर देणाऱ्या मुदत ठेवीत गुंतवावे. देशातील सर्वात मोठ्या सार्वजनिक क्षेत्रातील बँकेबद्दल बोलायचे झाले तर एसबीआय आपल्या ग्राहकांना मुदत ठेवींवर चांगले व्याज दर देते. जाणून घेऊया एसबीआयमधील मुदत ठेवींचे व्याजदर.
एसबीआय एफडी व्याज दर
एसबीआयमध्ये विविध मुदतीच्या एफडीसाठी व्याजदर ३.५० टक्क्यांपासून ७.२५ टक्क्यांपर्यंत आहे. याव्यतिरिक्त, एसबीआय काही विशेष एफडी चालवत आहे, ज्यात 400 दिवसांच्या मुदतीच्या एफडीचा समावेश आहे, ज्याला एसबीआय अमृत कलश एफडी योजना म्हणून ओळखले जाते.
5,00,000 च्या गुंतवणुकीवर परतावा
एसबीआयच्या अमृत कलश एफडी योजनेत 5 लाख रुपयांची गुंतवणूक केल्यास सामान्य नागरिकांना 7.10 टक्के परतावा मिळेल. दरम्यान, ज्येष्ठ नागरिकांना ७.६० टक्के परतावा मिळणार आहे. यामध्ये मॅच्युरिटीवर सर्वसामान्य नागरिकांना 5,40,089 रुपये, तर ज्येष्ठ नागरिकांना 5,43,003 रुपये मिळणार आहेत.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
