केंद्र सरकार कोकणात विशेष रेल्वे सोडायला तयार, ठाकरे सरकारकडून मागणीच नाही - आ. आशिष शेलार

मुंबई, २४ जुलै : गणेशोत्सव अवघ्या काही दिवसांवर आलेला असताना चाकरमान्यांबाबत कुठलाही ठोस निर्णय ठाकरे सरकारने घेतला नसून, आता यावरून भाजपा आमदार आशिष शेलार यांनी ठाकरे सरकारवर टीका केली आहे. एवढेच नाही तर चाकरमान्यांची कोंडी करण्याची ठाकरे सरकारची इच्छा असल्याचा घणाघात आशिष शेलार यांनी केला आहे.

गणेशोत्सवासाठी अवघे काही दिवस शिल्लक असताना कोकणातील चाकरमान्यांना गणपतीसाठी गावाकडे जाण्याबाबत सरकारने कोणताही निर्णय घेतलेला नाही. केंद्राकडून रेल्वे गाड्यांची मागणी केलेली नाही. ई-पास व इतर वाहतूक सुविधांचा पत्ता नाही. त्यामुळे सरकारला कोकणी माणसाची सगळ्या बाजूने कोंडी करायची आहे का? असा सवाल त्यांनी यावेळी उपस्थित केला.

ग्रामपंचायतीना कोरंटाईन सेंटरमध्ये गरम पाणी,शौचालये,औषधांसाठी ना विशेष निधी दिला. ना गणेशोत्सवाबाबत वेळीच निर्णय जाहीर केला,रेल्वे मंत्री विशेष गाड्या सोडायला तयार पण राज्य सरकारची मागणीच नाही.ग्रामस्थ आणि चाकरमान्यांत दरी वाढतेय.आमच्या कोकणी माणसांशी का राज्य सरकार असे वागतेय? pic.twitter.com/kJDWk3frhl

— Adv. Ashish Shelar – ॲड. आशिष शेलार (@ShelarAshish) July 24, 2020

भाजपाचे नेते आमदार आशिष शेलार यांनी ट्विट करून ठाकरे सरकारला सवाल केला आहे. “ग्रामपंचायतीना क्वारंटाइन सेंटरमध्ये गरम पाणी, शौचालये, औषधांसाठी ना विशेष निधी दिला. ना गणेशोत्सवाबाबत वेळीच निर्णय जाहीर केला. रेल्वे मंत्री विशेष गाड्या सोडायला तयार आहे, पण राज्य सरकारची मागणीच नाही. ग्रामस्थ आणि चाकरमान्यांत दरी वाढतेय. आमच्या कोकणी माणसांशी का राज्य सरकार असं वागतेय?,” असं शेलार यांनी म्हटलं आहे.

News English Summary: With Ganeshotsav just a few days away, the Thackeray government has not taken any concrete decision regarding Chakarmanya, now BJP MLA Ashish Shelar has criticized the Thackeray government over this. Not only that, Ashish Shelar has slammed the Thackeray government for wanting to embarrass the servants.

News English Title: Ashish Shelar Raised Questions On Maharashtra Government Stand About Ganesh Festival News Latest Updates.