26 May 2022 8:02 AM
अँप डाउनलोड
बातम्या फ्लॅश

राष्ट्रवादीची सत्ता आहे, एकदा काय तो दोन शिवजयंतीचा वाद मिटवून टाकाच: आ. नितेश राणे

CM Uddhav Thackeray, MLA Nitesh Rane, Shiv Jayanti

मुंबई: अवघ्या महाराष्ट्राचं कुलदैवत असलेल्या छत्रपती शिवाजी महाराजांच्या शिवजयंतीची तारीख १९ फेब्रुवारी ही जाहीर करावी आणि तिथीचा हट्ट मुख्यमंत्र्यांनी सोडावा, अशी मागणी राष्ट्रवादीचे नेते अमोल मिटकरी यांनी मुख्यमंत्री उद्धव ठाकरेंना केली आहे. मला पटतय, आपल्याला पटतय ना..?, असं अशा आशयाचं ट्विट अमोल मिटकरी यांनी केलं आहे. ट्विटसोबत त्यांनी एक फोटो शेअर केला आहे. त्यावर तिथीचा हट्ट सोडा आणि १९ फेब्रुवारीलाच शिवजंयतीची तारीख जाहीर करा, असं आवाहन मुख्यमंत्र्यांना केलं आहे.

राष्ट्रवादीच्या या आवाहनानंतर भारतीय जनता पक्षाचे आमदार नितेश राणे यांनी ट्विट करुन शिवसेनेला टोला लगावला आहे. राज्यात राष्ट्रवादीची सत्ता आहे. मग तर एकच शिवजयंती झाली पाहिजे, एकदा काय तो दोन शिवजयंतीचा वाद मिटवून टाकाच. एक शिवप्रेमी म्हणून तुमच्या बरोबर आहे. हीच ती वेळ, जय शिवराय असं म्हणत शिवसेनेला डिवचण्याचा प्रयत्न केला आहे.

शिवजयंतीच्या या तारखेवरुन शिवसेना आणि अन्य मराठा संघटनांमध्ये औरंगाबाद येथे मारहाणीचा प्रकारही घडला होता. शिवजयंती १९ फेब्रुवारीला तारखेनुसार साजरी केली जात असताना शिवसेना नेत्यांकडून तिथीचा घोळ घालून वेगळी जयंती साजरी करण्याचा घाट घातला जातो. हा शिवरायांचा अवमान आहे त्यामुळे तिथीनुसार शिवजयंती साजरी करण्याचं बंद करावं अशी मागणी आमदार नितेश राणेंनी केली होती.

शिवसेना दरवर्षी तिथीनुसारच शिवजयंती साजरी करते. भारतीय जनता पक्षासोबत युती असताना देखील शिवसेनेने वारंवार शिवजयंती तिथीनुसार साजरी व्हावी अशी मागणी केली होती. मात्र यावेळी राजकीय परिस्थिती वेगळी आहे. राज्यात महाविकास आघाडीचं सरकार आल्याने शिवसेना आणि राष्ट्रवादी एकत्रित सत्तेत आहे. तीन पक्षांनी मिळून सरकार स्थापन केलं असल्याने एकमेकांच्या मागण्या तसंच भावनांचा आदर राखण्याचा तिन्ही पक्ष पुरेपूर प्रयत्न करत असून एनसीपीच्या या आवाहनाला शिवसेना काय प्रतिसाद देते हे पहावं लागणार आहे.

 

News English Summery: From this date, Shiv Sena and other Maratha organizations were also attacked in Aurangabad. While Shiv Jayanti is being celebrated on the date of February 19th, Shiv Sena leaders have decided to celebrate the birth anniversary by announcing their birth anniversary. This is a contempt of Shivaji, so MLA Nitesh Rane demanded that the Shiv Jayanti be stopped as per the date. Shiv Sena celebrates Shiv Jayanti every year as per the date. Even when the Bharatiya Janata Party was in alliance with it, the Shiv Sena had repeatedly demanded that Shiv Jayanti be celebrated on the date. But this time the political situation is different. Shiv Sena and NCP are in power together with the government leading to development in the state. Since the three parties have formed a government together, the Shiv Sena appears to be facing great difficulty as the three parties have to make every effort to respect the demands and sentiments of each other.

 

Web Title:  MLA Nitesh Rane appeal to CM Uddhav Thackeray over Shiv Jayanti Date issue.

हॅशटॅग्स

#Nitesh Rane(97)

संबंधित बातम्या

राहुन गेलेल्या बातम्या

x