केकसाठी झुंबड | मन खचून गेलं हे पाहून | ६० वर्षांच्या महाराष्ट्रात ही परिस्थिती

मुंबई, १३ डिसेंबर: राष्ट्रवादी काँग्रेसचे अध्यक्ष शरद पवार यांचा काल ८० वा वाढदिवस (NCP President Sharad Pawar’s 80th Birthday) होता. त्यानिमित्ताने मुंबईतील यशवंतराव चव्हाण सभागृहात राष्ट्रवादी काँग्रेस पक्षाच्यावतीने खास कार्यक्रमाचं आयोजन करण्यात आलं होतं. यावेळी शरद पवार यांनी आपल्या भाषणात सर्वांनी दिलेल्या शुभेच्छांबद्दल आभार व्यक्त करतानाच राष्ट्रवादी काँग्रेसला गावागावात पोहोचविण्याचं कार्यकर्त्यांना आवाहन केलं. मात्र दुसरीकडे बीड मध्ये एक धक्कादायक प्रकार घडला आणि त्याची समाज माध्यमांवर चर्चा रंगली आहे.

महाविकास आघाडीतील महत्वाचे मंत्री आणि राष्ट्रवादीचे आमदार धनंजय मुंडे यांनी परळी मतदारसंघात शरद पवारांचा वाढदिवस साजरा केला. या कार्यक्रमासाठी बॉलिवूड अभिनेता गोविंदा यांची प्रमुख उपस्थिती होती. पवारांच्या वाढदिवसासाठी ८१ किलोंचा केकही आणण्यात आला होता. परंतु, हा कार्यक्रम संपताच केक खाण्यासाठी कार्यकर्त्यांची एकच गर्दी झाली होती. स्टेजवर केक खाण्यासाठी झालेली गर्दी पाहून आयोजकांनी धाव घेत गर्दी नियंत्रणात आणली. निलेश राणे यांनी हाच धागा पकडत निशाणा साधला आहे.

दरम्यान, भारतीय जनता पक्षाचे नेते निलेश राणेंनी एक खोचक ट्विट केलं आहे. मन खचून गेलं हे पाहून… महाराष्ट्रात ६० वर्षामध्ये एक सम्राट होऊन गेले म्हणतात, काहींना स्वतंत्र महाराष्ट्राचे जाणते राजे काही लोकं म्हणतात, त्या ६० वर्षांच्या महाराष्ट्रात ही परिस्थिती बघायला मिळते, असा टोला निलेश राणेंनी लगावला आहे.

मन खचून गेले हे बघून… महाराष्ट्रात ६० वर्षामध्ये एक सम्राट होऊन गेले म्हणतात, काहीना स्वतंत्र महाराष्ट्राचे जाणते राजे काही लोकं म्हणतात, त्या ६० वर्षाच्या महाराष्ट्रामध्ये ही परिस्थिती बघायला मिळते. pic.twitter.com/MsfY67UX6B

— Nilesh N Rane (@meNeeleshNRane) December 13, 2020

News English Summary: Bharatiya Janata Party leader Nilesh Rane has sent a scathing tweet. Seeing that the mind is exhausted … Maharashtra is said to have become an emperor in 60 years, some people know the kings of independent Maharashtra, some people say, this situation can be seen in those 60 years of Maharashtra, said Nilesh Rane.

News English Title: BJP leader Nilesh Rane criticized Sharad Pawar over Beed Birthday celebration cake incident news updates.