13 May 2021 2:33 AM
अँप डाउनलोड

MPSC परीक्षा घेतल्यास वाईट परीणाम भोगावे लागतील | परीक्षा केंद्रं बंद पाडू

BJP MP Chatrpati  Sambhaji Raje, Allegations, Thackeray Government, Maratha Reservation

नवी मुंबई, ७ ऑक्टोबर : आज नवी मुंबईत आयोजित करण्यात आलेल्या मराठा आरक्षण परिषदेमध्ये मराठा आरक्षणावरून संभाजीराजे छत्रपती (MP Chhatrapati Sambhaji Raje) यांनी आक्रमक भूमिका मांडली. तसेच मराठा आरक्षणाच्याबाबत राज्य सरकारने मराठा समाजाला फसवले असून, सरकारच्या हाती असलेल्या गोष्टीही राज्य सरकार करत नसल्याचा आरोप त्यांनी केला. तसेच एमपीएससी परीक्षेबाबत राज्य सरकारने मराठा समाजाचं ऐकलं नाही तर मराठा समाज एमपीएससी केंद्र बंद पाडेल, असा इशारा संभाजीराजेंनी दिला.

BhagyaVivah Marathi Matrimonial

MPSC ची परीक्षा घेण्यासाठी सरकार घाई का करतं आहे? यामागे काही षडयंत्र आहे का कळत नाही. ज्यांची वयाची मर्यादा संपेल त्यांची वयाची अट शिथिल करुन मर्यादा वाढवा सर्वांना सोबत घेऊन चला अशी माझी सरकारला सूचना आहे असंही संभाजीराजे यांनी म्हटलं आहे.

राज्य सरकार ऐकत नसेल तर मराठा समाज एमपीएसीची केंद्रं बंद करेल असंही संभाजीराजेंनी म्हटलं आहे. मराठा समाजातील वकिलांनी काय करायला हवं हे ठरवावं, आंदोलनाची दिशा ठरवावी. मराठा समाज आक्रमक झाला आहे. आत्तापर्यंत अनेक लोकांचे नुकसान झाले आहे. त्यामुळे महाराष्ट्र बंद करणार नाही मात्र मराठा समाज एमपीएससीचे केंद्र बंद करेल असाही इशाराही संभाजीराजेंनी दिला आहे.

उदयनराजेंनी फिरवली बैठकीकडे पाठ:
दरम्यान, माथाडी नेते नरेंद्र पाटील यांनी नवी मुंबईतील माथाडी भवनात बुधवारी मराठा समाजाची राज्यव्यापी बैठक आयोजित केली होती. या बैठकीला छत्रपती शिवाजी महाराजांचे वंशज खासदार उदयनराजे भोसले आणि कोल्हापूरचे खासदार संभाजी राजे छत्रपती हे दोघेही एकत्रित उपस्थित राहणार असल्याची माहिती होती; परंतु उदयनराजेंनी या बैठकीकडे पाठ फिरवली. महिनाभरापूर्वी सर्वोच्च न्यायालयाने मराठा समाजाला देण्यात आलेल्या एसईबीसी आरक्षणाला अंतरिम स्थगिती दिली आहे. या पार्श्वभूमीवर संपूर्ण राज्यात मराठा समाजामध्ये संतापाचे वातावरण पसरलेले आहे.

 

News English Summary: MP Chhatrapati Sambhaji Raje played an aggressive role on Maratha reservation in the Maratha Reservation Council held in Navi Mumbai today. He also accused the state government of cheating the Maratha community regarding Maratha reservation and not doing what is in the hands of the government. Also, if the state government does not listen to the Maratha community regarding the MPSC exam, the Maratha community will close the MPSC center, Sambhaji Raje warned.

News English Title: BJP MP Chatrpati  Sambhaji Raje Allegations On Thackeray Government Over Maratha Reservation Marathi News LIVE latest updates.

हॅशटॅग्स

#Maratha Kranti Morcha(120)

संबंधित बातम्या

राहुन गेलेल्या बातम्या

x