मराठा आरक्षण व छत्रपतींचा सन्मान कसा करतात हे भाजपाला शिकवू नका - प्रविण दरेकर

मुंबई, २६ मे | संभाजीराजे यांना मोदींनी का भेट दिली नाही यावर भाजपा प्रदेशाध्यक्ष चंद्रकांत पाटील यांनी दिलेल्या स्पष्टीकरणानंतर काँग्रेस प्रवक्ते सचिन सावंत यांनी भाजपावर टीका केली होती. त्यांच्या टीकेला आता विधान परिषद विरोधी पक्षनते प्रविण दरेकर यांनी प्रत्युत्तर दिलं आहे.

ज्यांना मराठा समाजाचे असलेले आरक्षण टिकवता आले नाही त्या काँग्रेसच्या प्रवक्त्यांनी चंद्रकांतदादांना आरक्षणाची कायदेशीर बाजू शिकवू नये. मराठा समाजाला कायदेशीर पद्धतीने आरक्षण कसे द्यायचे आणि ते कोर्टात कसे टिकवायचे आम्हाला चांगले समजते. तुम्हाला जमले तर आता किमान सुप्रीम कोर्टात फेरविचार याचिका तरी दाखल करा, असा टोला त्यांनी हाणला.

उतावळा नवरा, गुडघ्याला बाशिंग”, अशी गत सध्या सचिन सावंत यांची झाली असून, कसलीही माहिती न घेता, ते मत ठोकून देतात! मराठा आरक्षण व छत्रपतींचा सन्मान कसा करतात हे भारतीय जनता पक्षाला शिकवू नका! आरक्षण वाचवणं जमलं नाही, आता किमान सुप्रीम कोर्टात फेरविचार याचिका तरी दाखल करा!” असं प्रविण दरेकरांनी ट्विटद्वार म्हटलं आहे.

“उतावळा नवरा, गुडघ्याला बाशिंग”, अशी गत सध्या @sachin_inc यांची झाली असून, कसलीही माहिती न घेता, ते मत ठोकून देतात!

मराठा आरक्षण व छत्रपतींचा सन्मान कसा करतात हे भाजपाला शिकवू नका!

आरक्षण वाचवणं जमलं नाही, आता किमान सर्वोच्च न्यायालयात फेरविचार याचिका तरी दाखल करा!

— Pravin Darekar – प्रविण दरेकर (@mipravindarekar) May 26, 2021

केंद्रामध्ये सत्ता आल्यानंतर भारतीय जनता पक्षाने छत्रपती संभाजीराजे यांना राष्ट्रपती नियुक्त राज्यसभा खासदार केले. त्यापाठोपाठ प्रयागराज (अलाहाबाद) येथे झालेल्या भारतीय जनता पक्षाच्या राष्ट्रीय कार्यकारिणीत तत्कालीन राष्ट्रीय अध्यक्ष अमित शाह यांनी संभाजीराजेंचा सन्मान पक्षाच्या सर्व ज्येष्ठ नेत्यांसमोर भर सभागृहात केला. त्यावेळी पंतप्रधान नरेंद्र मोदी यांच्यासह सर्वांनी उभे राहून संभाजीराजेंचे अभिनंदन केले. काँग्रेसने कोल्हापूरच्या छत्रपतींचा काय सन्मान केला हे आधी सचिन सावंत यांनी सांगावे. कधीतरी काँग्रेसकडून आपल्याला आमदारकी मिळेल यासाठी सदैव वाट पाहत या आशेने खुळावलेल्या सचिन सावंत यांनी उगाच छत्रपती संभाजीराजे यांची उठाठेव करू नये, असेही दरेकर यांनी म्हटले.

News English Summary: Don’t teach Bharatiya Janata Party how to respect Maratha reservation and Chhatrapati! It is not enough to save the reservation, now at least file a reconsideration petition in the Supreme Court! ”That is what Pravin Darekar has said through tweet.

News English Title: Do not teach Bharatiya Janata Party how to respect Maratha reservation and Chhatrapati said Pravin Darekar news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.