खडसेंना राष्ट्रवादीत किंमत मिळणार नाही | या निर्णयाचा देखील पश्चात्ताप होईल

मुंबई, २१ ऑक्टोबर: गेल्या अनेक महिन्यापासून सुरु असलेल्या एकनाथ खडसेंच्या राष्ट्रवादी प्रवेशाच्या चर्चेला पूर्णविराम मिळाला आहे. भाजपा नेते एकनाथ खडसे यांनी पक्षाच्या प्राथमिक सदस्यत्वाचा राजीनामा दिला असून २३ तारखेला ते राष्ट्रवादी काँग्रेसमध्ये प्रवेश करणार आहे. एकनाथ खडसेंनी पक्ष सोडताना केंद्रीय नेतृत्वावर नाराज नसून देवेंद्र फडणवीसांनी आयुष्य उद्ध्वस्त केल्याचा गंभीर आरोप केला आहे.

एकनाथ खडसे शुक्रवारी राष्ट्रवादीचे अध्यक्ष शरद पवार यांच्या उपस्थितीत पक्षात प्रवेश करतील, त्यानंतर एकनाथ खडसेंना पुढे काय जबाबदारी देण्यात येणार याबाबत प्रदेशाध्यक्ष जयंत पाटील यांनी मौन बाळगलं आहे. खुद्द एकनाथ खडसेंनीही कोणत्याही अपेक्षेशिवाय राष्ट्रवादीत प्रवेश करत असल्याचं म्हटलं आहे. परंतु एकनाथ खडसेसारख्या ज्येष्ठ नेत्याचा योग्य सन्मान केला जाईल असं राष्ट्रवादीनं स्पष्ट केलं आहे.

दरम्यान, एकनाथ खडसे यांनी भाजपचा राजीनामा दिल्याची बातमी समजताच भाजपाचे माजी मंत्री राम शिंदे यांनी आपली प्रतिक्रिया व्यक्त केली आहे. त्यांनी बोलताना सांगितलं की, ‘एकनाथ खडसे हे भारतीय जनता पक्षात असताना त्यांना जी किंमत मिळाली ती त्यांना राष्ट्रवादीत मिळणारं नाही. तसेच त्यांच्याबरोबर जे जात आहे अशी जी वल्गना केली जात आहे ती चुकीची असून मला वाटतं नाही की भाजपचा कोणताही माणूस राष्ट्रवादीत जातील. कारणं पंतप्रधान नरेंद्र मोदी यांच्या नेतृत्वाखाली भारतीय जनता पक्षाचा विस्तार होतं आहे.’ असं राम शिंदे म्हणाले.

‘एकनाथ खडसे यांनी जो निर्णय घेतला आहे त्याचा देखील येत्या त्यांना नक्की पश्चात्ताप झाल्याशिवाय राहणार नाही.’ अशी प्रतिक्रिया भाजपाचे माजी मंत्री राम शिंदे यांनी दिली आहे.

News English Summary: Former BJP minister Ram Shinde has reacted to the news of Eknath Khadse’s resignation. He said, “Eknath Khadse will not get the price he got when he was in the Bharatiya Janata Party. Also, the allegation that is going on with them is wrong and I don’t think any BJP man will join the NCP.

News English Title: Eknath Khadse will not get a value in NCP party said BJP leader Ram Shinde News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.