गौप्यस्फोट! गृहमंत्रीपदासह उपमुख्यमंत्रीपद द्यावं म्हणून एकनाथ शिंदे दिल्लीत काँग्रेसचे दिवंगत नेते अहमद पटेल यांना भेटले होते

CM Eknath Shinde | ‘काँग्रेस-राष्ट्रवादीवर शिंदे आज टीका करतात, पण महाराष्ट्रात पृथ्वीराज चव्हाण मुख्यमंत्री असताना शिंदे यांनी दिल्लीत काँग्रेसचे दिवंगत नेते अहमद पटेल यांच्याशी संधान बांधले होते. 15 ते 20 आमदारांसह ‘येतो’, गृहमंत्रिपदासह उपमुख्यमंत्रिपद द्या ही चर्चा त्यांनी सुरू केली होती’ असा गौप्यस्फोट शिवसेनेनं केला आहे. शिवसेनेच्या दसरा मेळाव्यावरून शिवसेना आणि शिंदे गटामध्ये आरोप प्रत्यारोप सुरू आहे. याच मुद्यावरून शिवसेनेचे मुखपत्र असलेल्या दैनिक सामनाच्या अग्रलेखातून एकनाथ शिंदे यांच्यावर निशाणा साधण्यात आला आहे.

2014 मध्ये फडणवीस मुख्यमंत्री असतानाच शिवसेनेने काँग्रेस-राष्ट्रवादीसोबत युतीचा प्रस्ताव दिला होता आणि तो प्रस्ताव विद्यमान मुख्यमंत्री एकनाथ शिंदेचे घेवून आले होते, असा गौप्यस्फोट राज्याचे माजी मुख्यमंत्री अशोक चव्हाण यांनी नुकताच केला. या गौप्यस्फोटानंतर राज्याच्या राजकारणात आरोप – प्रत्यारोपांचे वादळ उठले आहे.

चव्हाण यांनी या गौप्यस्फोटातुन शिंदे यांची कोंडी केली आहे. दरम्यान त्यांच्या या गौप्यस्फोटाला शिवसेनेचे मुखपत्र ‘सामना’मधूनही दुजोरा देण्यात आला आहे. शिंदे यांनी दिल्लीत काँग्रेसचे दिवंगत नेते अहमद पटेल यांची भेट घेतली होती आणि गृहमंत्रीपदासह उपमुख्यमंत्रीपद द्या ही चर्चा सुरू केली होती, असा दावाही सामनामधील आजच्या अग्रलेखात करण्यात आला आहे.

‘ईडी’च्या भीतीने शिंदे भाजपमध्ये :
‘ईडी’च्या भीतीने शिंदे हे भाजपमध्ये गेले. कारण ठाणे महानगरपालिका, समृद्धी महामार्ग, नगरविकास खाते या माध्यमांतून पैसाच पैसा. त्या पैशातून सत्ता. सत्तेतून पुन्हा पैसा, या दुष्टचक्रात ते पूर्ण अडकले. नाही तर शिंदे आदमी काम का था असे उघड बोलले जाते. मुख्यमंत्रीपदाची महत्त्वाकांक्षा असणे वेगळे व लालसा असणे वेगळे. शिंदे हे लालसेचे बळी ठरले.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Eknath Shinde was meet congress leader Ahemad Patel for political deal check details 02 October 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.