मुंबई १२ जून : मागील ४८ तासांत राज्यातील १२९ पोलिसांना कोरोनाची लागण झाली आहे. त्यामुळे एकूण संख्या ३ हजार ३८८ वर गेली आहे. तसंच आतापर्यंत ३६ पोलिसांचा कोरोनाने मृत्यू झाला आहे. तर १ हजार ९४५ पोलिसांनी कोरोनावर यशस्वीपणे मात केली आहे. महाराष्ट्र पोलिसांकडून ही माहिती मिळाल्याचं वृत्त एएनआयने दिलं आहे.

दरम्यान महाराष्ट्रात कोरोना व्हायरसचे हादरे सुरुच आहेत. आजही राज्यात ३४९३ नवे रुग्ण सापडले. त्यामुळे राज्याचा एकूण आकडा १ लाख १ हजार १४१ वर गेला आहे. तर राज्यात गेल्या २४ तासांमध्ये १२७ जणांचा मृत्यू झाला. त्यामुळे एकूण मृत्यूची संख्या ३७१७ वर गेली आहे. आजही मुंबईत सगळ्यात जास्त ९० जणांचा मृत्यू झाला. दिवसभरात १७१८ रुग्ण बरे झाले. तर राज्यात एकूण ४७७९६ रुग्ण बरे होऊन घरी गेले आहेत. रुग्ण बरे होण्याचं प्रमाण हे ४७.३ एवढं असल्याची माहिती आरोग्य मंत्रालयाने दिली आहे.

 

News English Summary: In the last 48 hours, 129 policemen in the state have contracted corona. So the total number has gone up to 3 thousand 388. Also, 36 policemen have been killed by corona so far. So 1,945 police have successfully defeated Corona.

News English Title: In the last 48 hours 129 policemen in the state have contracted corona in Maharashtra News Latest Updates.

गेल्या ४८ तासांत राज्यात १२९ पोलीस कोरोना पॉझिटिव्ह